مشكلة كريستالاوية
 

انا عندى شوية مشاكل فى كريستالتى (لانسر 98)أرجو ألاقى الحلول فى المنتدى هنا


أولا العربية أوتوماتيك 1300 سى سى

دايما باسمع صوت عالى للموتور الغريب بقى ان الصوت دا بيعلى لما بيكون الفتيس على الباركينج أو على المور

فياترى دا سببة أية

رقم اتنين فى صوت دربكة جامدة شوية تحت قدم السائق بالضبط وأيضا تحت قدم اللى بيركب جنب السائق

بالضبط تحس كأن العربية سايبة من تحتك ودا بيحصل لى الارض الغير مستوية - المخرفشة يعنى- لكن فى الاسفلت والطوالى لا أسمع أى صوت

هل دا من العفشة ولا من علبة الدركسيون ولا من قواعد الموتور ولا اية بالضبط

معلش طولت عليكم شوية لكن آخر سؤال


لما بكون بجرى بالعربيى وبعدين آجى أهدى أو أقف بلاقى العربية بيحصل فيها زى نتشة كدا وخصوصا لو هقف خالص العربية أول ما بتيجى تقف بيحصل زى رجة كدا

ياترى دا مشكلة فى الفتيس ولا فى الكهربا ولا اية بالضبط


جزاكم الله خير

وعذرا لو كنت طولت عليكم بس معلش


وربنا يعتق رقابكم جميعا انشاء الله فى هذا الشهر الكريم

رد: مشكلة كريستالاوية
 

اهلا و سهلا بحضرتك
للأسف مش عارف افيد حضرتك و دا لان الاصوات غير مفهومه ولازم حد يجرب العربيه
بس مبدأيا حيبقي عندك قواعد موتور او فتيش مش كويسه. و احتمال بيض الدركسيون.
لكن مش حقدر اعرف العيب فين بالضبط

رد: مشكلة كريستالاوية
 

شكرا حازم باشا على رد حضرتك

انا تراجعت عن فكرة بيع الكريستالة أهو

ماتسبنيش بقى لوحدى وانا بظبطها

عايز من حضرتك تجمعلى كل الكريستالاوية فى الموضوع هنا لحد مانعرف أية سر هذة الاصوات


وهل يمكن رفع السيارة فى التوكيل ولا الموديل قديم شوية وكم السعر تقريبا


شكرا يا باشا

كل عام وانت طيب

رد: مشكلة كريستالاوية
 

ماهو يا باشا الاصوات دي محدش حيقدر يحددها خصوصا انك مش عارف توصفها صحج و بتظهر في اوقات مختلفه.
عموما انا معاك اهو واحده واحده لحد ما نشوف
التوكيل حيستقبل العربيه عادي بس قطع الغيار غاليه يكفي اني اقولك ان جوز المساعدين الامامين K.Y.B في حدود 1600 جنيه في حين انهم نفسهم بره ب 700 جنيه

رد: مشكلة كريستالاوية
 

انا فعلا لسة مغير العفشة كاملة

مساعدين ورا وقدام فى حدود 700الاماى والخلفى600 يابانى اصلى

ومغير كمان مقصات خلفية

بالنسبة للصوت اللى تحت قدم السائق-وهو اكتر صوت مضايقنى جدا- مش بيظهر الا فى الارض المتعرجة صوت زى ضحضرة كدة تحس ان فى حاجة سايبة تحت رجلك

ودا خلانى أفكر ان العفشة عايزة تتقرط

وأيضا يوجد تحزيمة فى العربية بتعمل رعشة فى جسم العربية الامامى لو قرصت شوية على العربيةودا بيكون فى الاول فقط لحد30كم /س