مشكله خطيره يا ريت اى حد يرد عليا بسرعه لوسمحتم
 

السلام عليكم

كل سنه وانتم طيبين واحسن حال النهارده وانا سايق عربيتى الانسر البطه موديل 95 اوتوماتيك وفيها اوفر درايف

فانا قولت اجرب اشغله شويه وما شاء الله كان كويس وبعدين قولت اجرب اجيب D2
لاقيت العربيه مشيت بتسارع اعلى وكانت بتجرى زى عربيات السبق وطبعا صوتها كان عالى وعاجبنى اوى والناس كلها كانت عماله تبص عليا وانا مبسوط اوى هههههههههههههه
فضلت على كده حوالى ربع ساعه ووصلت فيها لسرعه ميه 100%
المهم المشكله لما جيت اركنها بطلت العربيه ونزلت جيبت حاجه بسرعه كده 5 دقايق اجى اشغلها بعد كده ان تدور ابدا احاول مره على N ومره على Dابدا مش عايزه تدور
المهم انا سبتها مركونه على جنب لحد ما اشوف حل

ياريت يا شباب اى حد هنا يعرف حل او عند خلفيه عن الموضوع ده يفيدنى ومتشكر جدا

بس يلا بسرعه انا قلقان اوى لاكون عملت حاجه غلط

رد: مشكله خطيره يا ريت اى حد يرد عليا بسرعه لوسمحتم
 

اولا يا ريت تفاصيل اكتر
يعنى المارش بيدور
و لا مفيش حاجة بتنطق

ثانيا انت قولت انك شغلت الاوفردرايف هو الطبيعى انه شغال على طول و ذلك للحفاظ على طول عمر الماتور و الاتوماتيك و توفير بنزين
لكن الى انت عملته لما دوست الزرار بتاعه انك وقفت عمل الاوفر درايف (و اللمبة ساعتها تنور فى التابلوه overdrive off ) علشان تحصل على اداء رياضى بس مينصحش تمشى بيه على الوضع ده كتير خصوصا لو حتمشى بسرعة ثابتة (طريق سفر مثلا) يفضل تعشق الاوفردرايف (يعنى اللمبة بتاعته تكون مطفيه فى التابلوه) و ذلك لتجنب ال rpm العالى لفترات طويله و كده غلط على صندوق التروس و الماتور و البنزين
اما بقه ال d2 الصراحة انا مش متاكد بس ده غالبا مخصص لحالات مطالب العزم العالى زى
طالع مطلع من الثبات و محمل او قاطر
مثلا طالع من باركينج تحت الارض و المطلع زاويته كبيره و معاك ناس كتير
فغلط جدا تمشى بيه على سرعة عالية لان كده ال rpm حيرتفع جدا و كده غلط على الفتيس

بالرغم الى انا قولتوهولك بس بتهيألى ان مالوش علاقة بعدم استجابة العربية للادارة
فيا ريت تقولنا تفاصيل اكتر عن موضوع التدوير