|
العربيه هيا ماشيه فى صوت صفير جاى من العجل ؟
السلام عليكم عندى استفسار يا جماعه انا عربيتى كان بقالها فترخ بتتصلح و الحمد لله اتظبطت بس امبارح كنت بيها فى مشوار و انا ماشى فى ملاحظتين أولا : وانا ماشى فى صوت صفير جاى من العجل بس مش صوت الصفير بتاع الفرامل لا ده صوت عامل زى صوت صوصوه العصافير كده شغال طول ما العربيه ماشيه و تقريبا من العجله الشمال قدام هل ده بسبب ان العربيه كانت واقفه فتره طويله و وسخه فالصوت ده عشان فى تراب و طين تحت ؟ وهل لو وديتها بنزينه تتغسل من تحت كويس هتتظبط ؟؟؟؟ ثانيا : لما اكون بلف و ألف الدركسيون للاخر فى صوت برده مزعج شويه من تحت برده غير الصوت الأولانى زى ما يكون فى كميه طين قرفه العربيه و برده تقريبا من العجله الشمال قدام هل برده لو وديتها بنزينه تتغسل غسله معتبره من تحت و فوق هتبقى تمام ؟؟؟ |
رد: العربيه هيا ماشيه فى صوت صفير جاى من العجل ؟
اضبط زوايا فى مكان محترم و قوله على المشكله
|
رد: العربيه هيا ماشيه فى صوت صفير جاى من العجل ؟
انت الوحيد الى حتجاوب على السوئال بتاعك
يعنى اغسل العربية من تحت كويس (مش حتخسر حاجة - لمصلحة العربية حتى لو مش حتجيب نتيجة لمشكاتك) و جرب لو الاصوات مرحتش يبقى نشك فى الحاجات التانية |
رد: العربيه هيا ماشيه فى صوت صفير جاى من العجل ؟
زي ما استاذ احمد بيقول
اغسل العربيه و لو الصوت ما رحش يبقي تيل فرامل السوسته بتاعه وقعت. بس ما قولتش العربيه عامله معاك ايه صحيح؟ |
رد: العربيه هيا ماشيه فى صوت صفير جاى من العجل ؟
اقتباس:
والحمد لله العربيه بقيت تمام و مشكلة التقطيع انتهت تماما والعيب طلع من حساس الكرنك و جربناها و مشينا على 100 ومشغلين التكيف و كانت تمام بس واضح انها من كتر الوقفه فعلا متوسخه اوى من تحت هحاول اوديها بنزينه قبل العيد تتغسل |
| الساعة الآن 06:21 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017