ها اشترى النترا بس ....
 

السلام عليكم وكل سنة وانتوا طيبين

انا اول مرة اعمل بوست هنا
انا نويت اشترى عربية جديده
بعد بحث استغرق منى شهور استقريت على الالنترا
للأسباب الأتيه:
- عربية سفر ودا اهم سبب ليا يعنى اقدر اسافر بيها مسافات طويلة من غير مشاكل زى الغردقة وشرم - سافرت قبل كدا بفيرنا لكن كانت بتسخن منى خصوصا مع تشغيل التكييف الفيرنا عربية كويسه لكن داخل المدينة والسفر القصير.
- مريحة جدا من الداخل والشكل الخارجى الى حد ما مقبول
- اهم سبب كان شاغلنى خدمة ما بعد البيع ، اول تجربة ليا مع هيونداى كشراء كان يهمنى التوكيل واسعار قطع الغيار ومكانه
فالبنسبه للأسكندرية التوكيل فى السلطان حسين يعنى وسط البلد والاسعار معقوله

الحمد لله انا مقتنع بالالنترا لكن انا خايف اجيب 2010 وتنزل 2011 بعد كده وميكنش فرق السعر جامد فا ها اتخنق.
معنديش مشكلة انى استنى شوية بس حد عارف النترا 2011 هتنزل امتى ؟

رد: ها اشترى النترا بس ....
 

اختيار موفق ان شاء الله
اعتقد ان 2011 موجوده حاليا ممكن تسأل عليها في التوكيل

رد: ها اشترى النترا بس ....
 

النترا 2011 موجوده بس نفس الشكل بتاع 2010
وانا سمعت ان الشكل الجديد هاينزل اول السنه ان شاء الله

بالتوفيق اختيار موفق

رد: ها اشترى النترا بس ....
 

اختيار موفق انشاءالله
غالباً الشكل الجديد هينزل موديل 2012 و هيبقي فيه زيادة حوالي 10-20 الف جنية بموديلاتها

ده رأي الشخصي و معرفش اي معلومة مؤكدة
:)
الأكيد انه موديل 2011 في مصر هو نفس الشكل القديم

رد: ها اشترى النترا بس ....
 

شكرا ياجماعه
ها أشترى ان شاء الله 2011 الشكل القديم لأنى مقدرش استنى ل 2012