|
إستفسارات بخصوص البولو 1000cc مويل 2000
السلام عليكم ورحمة الله وبركاتة من فضلكم يا شباب معروض عليا سيارة فولكس بولو موديل 2000 فابريقة من الداخل ( الله أعلم من الخارج ماجابليش سيرة ) تكييف باور وكمان سنتر. http://sphotos.ak.fbcdn.net/hphotos-...3_675820_n.jpg لكن أنا بصراحة قلقان من حيث كونها 1000 سى سى بصراحة أظن إن ده عيب وغالبا هيغطى على وجود تكييف لأنى جربت التكييف فى أكسنت 1300 سى سى وكان بيشد فى العربية وكان متعب وماكناش بنشغله ياترى هيبقى التكييف عامل ازاى مع البولو 1000 سى سى ؟؟؟ ثانيا: ياترى العربية دى بتجرى وبتشد زى بقية العربيات خصوصا إن عدادها 220 كم/ساعه؟؟ ثالثا: العربية مش كهرباء ياترى لو ركبت زجاج كهربا هيبقى زى العادى وياترى هيكون فى نفس مكان الزراير الموجودة فى أى عربية بتنزل كهرباء؟ رابعا: بخصوص تسقيط ماتور 1400 سى سى هل الامر سهل ومتوفر ولا معقد ويحتاج مصاريف بعد ما عرفت إنى هغير العفشة والماتور والفتيس وضفيرة الماتور وعلبة الدركسيون ؟ خامسا: هل 37 او 40 الف جنيه كتير عليها ام قليل خصوصا إنها فى الوقت الحالى متلته ومحتاجة شنبر للماتور وصاحبها هو اللى هيتكفل بتصليحها؟ سادسا: هل تنصحونى بها أم بالبحث عن سيارة 1600 سى سى كورى أو ما شابه خصوصا لانى لم أتعامل مع السيارات بشكل مباشر من قبل ؟ أرجو الإفادة وشكرا |
رد: إستفسارات بخصوص البولو 1000cc مويل 2000
أين ردودكم يا شبااااااااااااااااااااااا ب؟
|
رد: إستفسارات بخصوص البولو 1000cc مويل 2000
بص انا عربيتى 2001 وتقريبا عربيتك نفس عربيتى فى كل حاجه
بالنسبه للماتور انا عربيتى متسقطلها 1400 واكيد بيبقى فى فرق مع التكييف وكده لكن انا بشغله عادى خالص وشغال زى الفل بالنسبه للازاز الكهربا عادى ممكن تعمله لكن اعمله فى الابوااب لانك لو هتعلم زى اللى انا شاريها منه مكن تقرفك هو عامل الازاز الامامى وحاطت الزرارين فى الكونسل مكان الطابات اللى تحت التكييف واكمنها مش بتنزل اصلا بازاز كهربا فمش هتلاقى زراير على نفس الفتحه وهتكون اصغر ولازم تعمل حاجه تتخنها وشغل مقرف كده فالافضل تخليه فى الابواب بالنسبه لتقسيط الماتور اظن سهل جداا لان ناس كيتر معاها بولو بتسقطه وبتجيب ماتور 1400 16 صباب بيبقى يا 75 حصان او 85 تقريبا http://i45.tinypic.com/9uxkd4.jpg والسعر انا بتاعتى 2001 ومتجنطه واتنين ازاز كهربا وكاسيت وسماعتين بايونير وزينون وباركنج سينسور وتكيف طبعا وانذار وسنتر ومتسقطلها ماتور 1400 جبتها على 45 بس انا مليش فى الاسعار وكده اوى بالنسبه انك تخليك فى كورى والكلام ده حد تانى ينصحك بيه لان دى اول عربيه اركبها فى حياتى بس بجد عربيه جميله جدا وهتحبها جداا لو هتركب فيها اعداد كبيره وناس ضخمه مظنش هتبقى مناسبه اوى لانها عربيه صغيره شويه بس حلاوتها بقى تخترق العربيات بسهوله تركن فى ار حته وشييييك جدااا وتابلوها تحفه وبماتور اعلى بتسحب وتجرى وكل حاجه بالتوفييق |
رد: إستفسارات بخصوص البولو 1000cc مويل 2000
اقتباس:
جزاك الله خيرا يا سبايدر مان متشكر جدا على الرد الجميل والصورة هى فعلا مشكلتها انها صغيرة بس فى نفس الوقت ميزة كبيرة مع الزحمة دى ..................... ربنا يباركلك فى سيارتك ويملاها لك بركة ويعطيك خيرها ويكفيك شرها ......................... .......... لكن المشكلة اللى أنا شايف إنها لا تطاق وجود ماتور بقوة 1000 سى سى فقط لأن ده هيلغى وجود تكييف أساسا |
رد: إستفسارات بخصوص البولو 1000cc مويل 2000
نصيحة العربية دي تاخده ب 35000 لانك لسه هاتعمل فيها شغل كتير الموتور ال1000 لو باظ ما بيتصلحش تاني وكل اللي عندو موتور 1000 سي سي وموتوره بيبوظ اوتوماتيك بيسقط ال1400 وربنا يوفقك للي فيه الخير
|
| الساعة الآن 07:27 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017