|
الحقونى قبل ما اتوووووووووووووووووووه... ..........
يا جماعة بالظبط اسبوع ونازل القاهرة بالعربية مع انى خايف من القيادة فى القاهرة إلا انى مجبر لأسباب شخصية ولكن ازاى اوصل من نهاية الصحراوى الغربى اللى جاى من الصعيد يعنى يعتبر ميدان الرماية لغاية رمسيس اول ش الجمهورية بالتفصيل الممل لو سمحتوا كمان لو فى نصايح منكم للسير او المرور عامة فى شوارع القاهرة ياريت استفاد بيها والف شكر 4BY4POLICEE |
رد: الحقونى قبل ما اتوووووووووووووووووووه... ..........
بص انا اعرف امشى بس معرفش اوصف بس اسهل ممكن تدخل شارع الهرم وتفضل ماشى معاه على طوووووول
|
رد: الحقونى قبل ما اتوووووووووووووووووووه... ..........
اقتباس:
هو ممكن تأخد وصلة الدائرى من الصحراوى وتنزل المعادى وبعدين الكورنيش طوالى لغاية رمسيس بس الطريق ده ممكن تتوه فيه فالأفضل ميدان الرماية فشارع الهرم لآخره حتنزل نفق الهرم وتطلع منه وتطلع الكوبرى اللى قدامك على طول فى آخره 3 نزلات حتنزل اللى فى النص " على شارع مراد " طوالى حتلاقى حديقة الحيوان على أيدك اليمين حتدخل شمال على كوبرى الجامعة تخلص الكويرى وتمشى طوالى بأتجاه شارع القصر العينى شارع القصر العينى حتلاقيه فى الآخر شمال حتدخده على طول حتلاقى نفسك فى ميدان التحرير حتمشى طوالى بأتجاه شمال لشارع رمسيس مفيش 500 متر حتلاقى المتحف المصرى على شمالك طوالى برضه وأنت كده فى شارع رمسيس طــــــــــــــــوالى لغاية ميدان رمسيس حتلاقى وأنت ماشى نقابة المحامين على أيدك اليمين وبعديها أشارة بعديها نقابة المهندسين على أيدك الشمال طوالى الإشارة اللى بعديها تعديها حتلاقى مسجد الفتح على أيدك اليمين تلف من وراه يمين فى يمين تبقى فى أول شارع الجمهورية وتوصل بالسلامة إن شاء الله |
| الساعة الآن 03:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017