المشاركة الأصلية كتبت بواسطة smsm89 (المشاركة 237995)

السلام عليكم و رحمة الله وبركاته

كان عندي أستفسار و ياريت لو حد عنده معلومات يقولي

أنا أشتريت ألنترا 2010 من سنة تقريبا و الحمدلله كويسة بس خدتلها كام خربوش واحد منهم في الحيطة بتاعت الجراج ... و وديتها سمكري و ردها على البارد كان خربوش واخد الباب اليمين الوراني .. المهم السمكري خلاها تبقى ناعمة و متخربش و بس و قلت لما نبقى نجدد نبقى ندهنها

عندي سؤالين :
مع العلم أني بعد يومين إن شاء الله رايح صيانة 5 ألاف

--
1- بعد ما رجعتها من عند السمكري منتبهتش بس إلي بيركبوا معايا حسووا أن لما بقفل الباب إلي وراااا فيه صوت زي ما يكون شخللة جوة الباب لكن بيتقفل كويس و لا كأن فيه حاجة بس تحس أنه مش هادي ... كأن فيه حاجة جوة مش ثابتة زي أسلاك أو حاجة معرفهاش
و بعدين لما بعلي شوية صوت السماعة فيه زنة جامدة من الباب ده زي ما تكون السمااعت مش ثابتة !!!!!!!!!!
بس ظاهريا الباب من جوة و من برة العربية شكله متركب كويس !!!!

سؤالي هل ممكن في الصيانة أقولهم يشيكوا عليه و ممكن يظبطووه!!

قدامك خيارين
ياتروح للسمكرى تانى اكيد نسى يثبت حاجة جوة احتمال زى ما انت حاسس حيكون سلك
يا تقولهم فى التوكيل بس اكيد حايحسبوك على شغلهم لانه ساعتها مش عيب تصنيع و حيعتبروا شغلهم خارج الضمان و انت تتحمله

السؤال التاني
بخصوص السيدي بتاع الأالنترا

تقريبا بعد ما جبتها ب 3 شهور السيدي مش عاوز يخرج من جوة
بعد ما دست على الزرار كذا مرة طلع معايا و ملعبتش في أي حاجة تانية
بس لما بدخل أي سيدي مبيتقريش خالص بيطلع علامة زي ما بيكون بيقراه و يفضل كدة ... أيه الحل في رأيكم و أيه النصيحة بخصوص السديدي الزفت ده :(

اكيد السيدى عليه ضمان تبع الشركة المصنعة للجهاز و اكيد انت استلمته مع ضمان العربية اذا كان انا فى اللانوس سنة 2002 الكاسيت باظ و صلحته فى محل وكيل لماركة الكاسيت و باظ تانى و صلحوه و من نفسهم قالولى لو باظ تالت حنديك واحد جديد بس مابظش تالت

آخر سؤال معلش...
أنا حاسس أن الجنب إلي ناحيتي أنا نازل حاجة بسيطة من قدام .. محدش بيركب معايا و بيحس أنا بس بحس بيها أنه فيه تغير بسيط في الجنب إلي قدااام مع العلم إني لما بطلع مطب و أنا نازل من عليه العربية مبتريحش على الجنب ده و لا حاجة بحس انها عادي بس برضة أنا متأكد الجنب الشمال من قدام من طبيعي أقولهم كدة في الصيانة و هما ليهم علاقة بيه ؟؟؟؟؟
و إيه المتوقع تكون المشكلة ؟؟

متفهمنيش غلط اكيد بتيهيألك و خلى حد صاحبك يبص عاليها من بره و انت راكب و لو اكدلك الموضوع قولهم فى الصيانة طبعا و ساعتها العيب فى نظام التعليق ( سوست و جلب السوست )

معلش أنا مبتدأ في مسائل الصيانة و العربيات ... و مستني مساعدتكم :))))

شكرا جزيلا مقدام ROSE4U