مصر موتورز مجتمع السيارات - اشترى بيكانتو على ضمانتكو ؟

السلام عليكم
انا عايز اشترى عربيه ,, و دى هاتكون اول عربيه ليه
و انا فى السواقه مش اوى
و قلت ابعد عن المستعمل بسبب مشاكله الكتير
و قررت اجيب عربيه قسط
عايز اسئالكم ,, هى فعلا البيكانتو عربيه كويس هو هاتستحمل معايه
ولا تنصحونى بعربيه كبيره شويه ؟
انا عايز عربيه باور و اوتوماتيك و تكييف و مش مهم عندى لا شكل ولا اى حاجه
المهم تكون عمليه تستحمل معايه كل يوم شغل رايح جاى
بالنسبه للبيكانتو
و هو ممكن اجيبها اوتوماتيك فاضيه و اركب فيها انا التكييف ؟
او فى منها اوتوماتيك و تكييف بس ,, و اركب فيها انا التسجيل و السنتر
لانى عرفت من حضراتكم ان الفول اوبشن فى البيكانتو يعتبر هاف اوبشن
فاجيبها فاضيه و اركب انا احسن حاجه
و التركيب دا هايخلى العربيه تطلع من التوكيل ؟
التكييف مثلا
و ايه احسن مكان اجيب منه العربيه دى بالقسط يعنى يكون رخيص :)
مع العلم انى عايز مكان يكون فى مرونه فى السداد
يعنى مع امكانيه انى اسدد المبلغ بعد فتره سنتين او سنه
وياريت لو فى مكان يكون فى تقسيط اسلامى ( انا سمعت عن الموضوع دا بس مش متاكدد منه )
عارف انى طولت عليكم
بس انا عارف ان ان شاء الله الناس هاتجاوب عليه
لان اصلا اقتنعت بالبيكانتو بسبب المنتدى ده :)