|
سؤال عن مقاس الحرارة فى الفيليشيا
1 مرفق
كان عندى استفسار بخصوص الحرارة فى فيليشيا 95 بيكون المؤشر فى منتصف العلامة من 90-110
و هذا الوضع الطبيعى عندى--- المروحة بتشتغل عند حرارة 100-110 و يرجع تانى المؤشر عند 90 او اعلى درجة بسيطة علما بان مستوى المياه دايما براجع عليه كل 3 ايام و ازوده حوالى ربع لتر هل هذا الوضع طبيعي لانى سمعت ان العربية دى عيبها السخونة و مرحبا باى استشارة او اراء من اعضاء المنتدى المحترم . |
رد: سؤال عن مقاس الحرارة فى الفيليشيا
يا جماعة سؤالى بسيط جدا والله و هو هل المؤشر على الوضع ده طبيعى و لا المفروض يبقى اقل من كدة ؟؟ علما ان الصورة التالية توضح المستوى العادى للحرارة بالسيارة بعد فصل المروحة.
|
رد: سؤال عن مقاس الحرارة فى الفيليشيا
متابع .... طيب ننزل اختيارات ووسائل مساعدة ...السؤال صعب اوى ؟؟؟
|
رد: سؤال عن مقاس الحرارة فى الفيليشيا
لا يا باشا مش دا الطبيعى
لازم تغير الترموستات وتجيب ترموستات 82-68 واتاكد ان جوان وش السلندر مش عايز يتغير ( افتح الغطاء بتاع زيت الموتور واتاكد انه مش عامل طحينة ) ومتبقاش تقرص فى الغيارات عشان دا بيسخنها وحاول تغسل الرادياتير غسله نضيفة فى اى بنزينة واساله اذا كنت تحط ميه خضرا ولا لا وعرفه ان الميه بتنقص ( اذا كان امين هيقولك نتاكد الاول ان المية مش هتنقص بعد الغسلة دى بدل متحط مياه خضرا وتقعد تزود ) |
رد: سؤال عن مقاس الحرارة فى الفيليشيا
اقتباس:
امبارح عملت صيانة كاملة لدورة التبريد و غسلت الرادياتير بعد فكه و شيكت على الخراطيم و غيرت الترموستات كما اشرت على اشتريت الايطالى 82-68 ب 17 جنيه و الحمد و الفضل لله الحرارة انضبطت و المؤشر معداش ال90 يارب تفضل على كدة بس حستنى اسبوع او اتنين ملاحظ مستوى الميه و بعدين اغير و احط ميه خضرا شكرا مرة اخرى للافادة |
| الساعة الآن 08:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017