استفسار بسيط
 

بسم الله الرحمن الرحيم
اولا كل سنه واعضاء مصر موتورز بخير..انا كان عندى سؤالين
السؤال الاول:منت مره بنضف حاجه جنب الجكمان والعربيه شغاله ولقيت العادم اللى طالع م العربيه بيقطع مش مستمر وفى صوت تقطيع..ده ياترى عيب من ايه
السؤال التانى: فى واحد صاحبى بلاقيه دايما وهو سايق لما بيجى بينقل من نقله للتانيه بلاقيه بيفضل دايس على الدبرياج وبيزود برضه بنزين علشان يعلى صوت العربيه..حاولت اقنعه ان ده غلط برضه هو مصمم ...ياترى كلامى صح ولا غلط.
وشكرا

رد: استفسار بسيط
 

اولا طبيعى العادم بيبقى متقطع لانه بيطلع على مراحل = عدد السيلندرات بس تصميم علب الشاكمان بيقلل التقطيع ده فبتفرق من عربية لعربية و بتبان قوى فى السلانسيه
اما بالنسبة لصاحبك فانت عندك حق لانه حيغير اسطوانة و ديسك قريب جدا

رد: استفسار بسيط
 

شكرا يابشمهندس على ردك بالنسبه لموضوع العادم فلاقيت واحد صاحبى بيقولى العربيه لازم يتظبط الهوا بتاع الموتور وانا طبعا مش فاهم حاجه.
ثانيا:بالنسبه لموضوع الديسك والاسطوانه..انا وانا بسوق ساعات بسند سنه دبرياج مع بنزين علشان العربيه ماتنتش منى..ده كمان غلط ولا صح..وكل سنه وحضرتك طيب

رد: استفسار بسيط
 

اخى الكريم كلام اخى احمدعلى صح بس ضبط هوا السيارة هيفرق معاك شوية اى ميكانيكى هيفك العمة وتحتها هيضبط الهوا وكمان السلانسية للعربية وهو واقفة وداير الموتور اما سندك سنة ديبرياج مع البنزين خطا واكيد انت بتعمل كدة علشان العربية ما تطفيش منك فضبط الهوا وكمان نظف الفلتر اللى مع عمة العربية وفلتر البنزين او غيرة ورمضان كريم اخوك محمد رمضان الصعيد

رد: استفسار بسيط
 

و انت بالصحة والسلامة شكرا لذوقك

الله ينور يا استاذ محمد