أشتريت برايد 2000 بس فى مشكلة
 

السلام عليكم
كل سنة وانتم طيبيين بمناسبة رمضان أعاده الله عليكم بالخير
اولا باركولى اشتريت برايد 2000 تكييف وسنتر وزجاج كهرباء بصراحة العربية حالتها نظيفة والسعر 29000 معرفش كده كويس ولا لا ؟
ثانيا ظهرت عندى مشكلة ان فى صوت ذبذبة جامد فى ارضية العربية مع تشغيل التكييف وقعدت طول اليوم مع الميكانيكى علشان نوصل لمصدره ومعرفناش حلينا القنطرة وراجعت على لحامات الشكمان كلها وربطنا الكمبروسير بتاع التكييف وظبطنا كهربة الموتور بصراحة هوا الراجل تعب معايا قوى لحد ما الصوت ده قل خالص بس ساعات بيرجع من وقت لللتانى وبيكون عالى.
يا ريت لو حد عنده فكرة عن الموضوع ده او يكون مر بنفس المشكلة يقوللى
what

رد: أشتريت برايد 2000 بس فى مشكلة
 

اولاً الف مبروك ربنا يباركلك فيها ويهبك خيرها ويكفيك شرها سعر العربيه كويس بشرط الحالة طبعاً
بالنسبة للصوت هو منين بالظبط فى الارضيه ؟؟

رد: أشتريت برايد 2000 بس فى مشكلة
 

الله يبارك فيك يا باشا والف شكر علر ردك واهتمامك هوا الصوت بحس انه من الشكمان يعني بالطب زي ما يكون الشكمان بيتحرك في مكانة او عاوز يتربط

رد: أشتريت برايد 2000 بس فى مشكلة
 

خلاص*يبقى*لازم*تروح*لبتاع *شكمنات*الأول*يبصللك*علية

رد: أشتريت برايد 2000 بس فى مشكلة
 

يا باشا حصل انا روحت لبتاع الشكمانات الاول وبعد ما اطمنت ان الشكمان سليم والمشكلة مش منه روحت قضيت باقى اليوم عند الميكانيكى. هوا الميكانيكى قاللى ممكن تكون محتاجة (لاى) وده بيركب للشكمان علشان يمتص الذبذبة وقاللى انه بيكون نازل مع العربيات الحديثة كلها معرفش بقى الكلام ده صح ولا اى كلام