|
double din for ibiza 2000
السلام عليكم
الجهاز ده AVH-3200BT Double-Din Bluetooth AV Player with 5.8-inch Screen, SD card input, iPod Control & Front USB and Aux-in - Pioneer DVD Player & Screens هل سعره بره مصر ارخص ؟ هل يركب عندى فى ابيزا 2001 ؟ شكرا |
رد: double din for ibiza 2000
أنا هقول رأيى, الأجهزة ال double den نادرة فى مصر وصعب تلاقيها وأسعارها غالية جدا, وحتى لو من بره تمنه هيعدى 2000 جنيه بدون جمارك, وعلشان يركب لازم يكون تحت أو فوق الكاسيت مكان فاضى أو العلبة اللى مالهاش لازمة (الفتحة).
أيه رأيك فى الشماسات الدى فى دى, سعرها حوالى من 450 الى 700 جنيه وفيها كل المميزات اللى فوق ماعدا الحاجات المتعلقة بالأيبود وفيها لعب وبييجى معاها دراعات كمان. |
رد: double din for ibiza 2000
شكرا على الفكرة بس ال dvd ده جى هدية من ابوية هدية نجاح
انا فعلا عندى تحت الكست مكان فاضى بس مش عارف هركبه ازاى !! |
رد: double din for ibiza 2000
بيتركب بأن الصنايعى بيشيل البلاستيك اللى حوالين الكاسيت, بتكون تحت البلاستكة دى مسامير فك الكاسيت ومسامير فك العلبة الفاضية اللى تحتيه, بيفكهم ويطلعهم والمساحة الناتجة بتكفى الكاسيت الجديد ويوصل الكاسيت الجديد وبيدخل فى المكان الفاضى, عملية تقدر تعملها بنفسك أصلا.
وممكن تلاقيه عند سلسلة محلات أدريان, وفيه محلات صوتيات كتير عند الرومانى فى السواح, ومتنساش روكيت اللى فى روكسى طبعا. وأنا شبه متأكد أنك هتلاقيه عند بى تيك, أتصل بيهم وأسأل على الأنواع والأسعار بس تقل جيبك علشان أسعارهم غالية حبتين. ومبروك على النجاح:) |
رد: double din for ibiza 2000
الف شكر ليك و الله يبارك فيك
ممكن اتعباك معاية و تقولى ميين احسن ناس شغلهم محترف فى الصوتيات عشان ناوى اغير السماعات بالمرة و amp |
| الساعة الآن 02:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017