سخونة الالنترا 94
 

السلام عليكم اخوانى الكرام رمضان كريم وكل عام وانتم بخير
انا يا جماعة عندى النترا 94 فيها مشكلة السخونة. العربيه بلاحظ ان سخونتها عاليه وبحس بيها داخل الصالون خصوصاً وانا بركن او لما بكون ماشى على السلنسيه العربيه بلاقى سخونتها عاليه جداً ولما بحط ايدى على الكبوت بلاقى الكبوت سخن جداً مقارنة بأى عربية تانى من بتوع أصحابى. شوفت دورة التبريد لقيت الترموستات بايظ مش بيدخل ميه للموتور شلته خالص وظبطت دورة التبريد برضه بتسخن. عداد الحرارة مش بيوصل حتى للنص مع انها بتبقى سخنه وحاسس بيها من الصالون مطلعه حرارة جامده عليا مع العلم ان العداد شغال ولما بمشى بيها على الخامس العداد بينزل لحد ما يوصل للبارد
ارجو الرد من خبراء السيارات بالمنتدى
اشكركم وكل سنه وانتم طيبيبن

رد: سخونة الالنترا 94
 

السلام عليكم. ايه يا جماعة كل سنه وانتم طيبين هو ماحدش يعرف اى معلومه يفيدنى بيها ولا ايه

رد: سخونة الالنترا 94
 

عربيتك مش بتسخن ولا حاجه
عربيتك عاديه جدا
العربيه اللي بتسخن دي حرارتها بتعلي و الميه بتنقص من الردياتير
انما امبير الحراره ثابت و الميه مش بتنقص و المراوح بتشتغل يبقي ما فيش سخونيه
و اللي انت بتحس بيه دا طبيعي و بيرجع نتيجه لسوء عزل العربيه مش اكتر.
و بالنسبه للمؤشر اللي بينزل علي الطريق دا لانك لاغي ثرموستات الكوعه
و دا بيخلي المؤشر ينزل بالصوره دي

رد: سخونة الالنترا 94
 

بارك الله فيك يا استاذ حازم اشكرك ورمضان كريم