مصر موتورز مجتمع السيارات - تحديد السرعة القصوى للأعضاء 110 كم يا ريت كلنا نتعاون.

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

تحديد السرعة القصوى للأعضاء 110 كم يا ريت كلنا نتعاون.

انا بقالي فترة نفسي أعمل الموضوع دا هوا الموضوع دا للحد من السرعات العالية وانا اولكم نفسي نتعاهد كلنا ان احنا منزودش السرعة عن 110 كم لأن فعلاً السرعات العالية بتتسبب في أغلبية الحوادث في بلدنا وكتير مننا فقد اقارب او اصدقاء في الحوادث فياريت كلنا نتعاهد مع بعض وانا اولكم وخصوصاً ان انا شغلي على الطريق الدائري وبعد لما ركبوا الرادارات الجديدة بقيت بمشي على الدائري 80 او 90 وفعلاً لأول مرة وانا على الدائري احس ان انا بسوق وانا اعصابي هادية وحاسس ان انا متحكم في العربية وانا كنت بردو مسافر اسكندرية بعربيتي ووالدي معايا بعربيتو وطبعاً والدي ملتزم بالسرعات الي هيا اقصى حاجة 100 كم و فعلاً بتحس ان انتا اعصابك هادية وانا كنت بحب الجري جداً وياما اتعرضت لمواقف وانا على السرعات العالية وكان المنجي منها هو ربنا سبحانة وتعالى فقط.
فياريت يا جماعة نتعاون كلنا على ان السرعة القصوى لينا تكون 100 او 110 POLICEEPOLICEE بالكتير وربنا يستر طريقنا جميعاً ويرجع كل واحد مننا لأهلة سالم.

رد: تحديد السرعة القصوى للأعضاء 110 كم يا ريت كلنا نتعاون.

اسلوب واحد فقط
هو الرادع للنفس البشريه
يتلخص فى الاتى :
- مراقبه كل الطرق السريعه والرئيسيه بالكاميرات والرادار
- تحديد سرعه معينه لكل طريق .... ووضع لوحات ارشاديه بالسرعه المقرره فى الشارع
- غرامات لا تقل عن 500 جنيه عند زياده السرعه عن المسموح ... حتى لو بــــ ا كم .... الى 20
- غرامات لا تقل عن 1000 جنيه عند زياده السرعه بمقدار 20 كم عن السرعه المسموح بها
- دفع الغرامات فى مده لا تزيد عن شهر واحد .... والا تضاعفت قيمه الغرامه
- عدم وجود اى واسطه او محسوبيه ..... والمخالفات على الجميع .... والشعب بأكمله تحت طائله القانون
- الاموال المستحقه من الشعب جزاء المخالفات ..... تستخدم فى تطوير الطرق
.....................
اذا عملنا بما سبق ذكره ....
فى خلال شهر واحد فقط
هيتغير وضع الشوارع فى مصر بنسبه 1000 %

رد: تحديد السرعة القصوى للأعضاء 110 كم يا ريت كلنا نتعاون.

اقتباس:

المشاركة الأصلية كتبت بواسطة خالداعزالناس (المشاركة 224643)

هوة دة الكلام المظبوط انا عن نفسى بحاول التزم بحدود السرعة بس المشكلة انة لايوجد لوحات ارشادية فى مناطق كتيرة

رد: تحديد السرعة القصوى للأعضاء 110 كم يا ريت كلنا نتعاون.

اقتباس:

المشاركة الأصلية كتبت بواسطة خالداعزالناس (المشاركة 224643)

انا متفق معاك 100 في ال 100ROSE4U ROSE4U ولكنGIFT4U احنا لازم نبتدي بنفسنا يعني لو الدولة معملتش الاجرائات دي ممكن احنا نعمل الجزأ الي علينا من خلال ان احنا نقلل سرعاتنا ونخلينا ملتزمين بأقصى سرعة وهيا 110 كم وممكن لو مفيش اي ارشادات على الطريق نمشي 80 كم في الطريق ولو الطريق ضيق او مش ممهد كويس نمشي 60 كم هوا الموضوع ممكن يكون ممل شوية لكن صدقوني هتحس ان انتا مرتاح وانتا سايق و لازم كل شوية تفتكر ان فية ناس معاك في العربية انتا المسؤول عنهم ولو لوحدك تفتكر ان فية ناس مستنياك في البيت يا ريت نبتدي احنا بنفسنا وسواء الحكومة عملت دا او لأ احنا الي نخاف على نفسنا وعلى بعضنا مش الحكومة الي تخاف علينا اكتر.

رد: تحديد السرعة القصوى للأعضاء 110 كم يا ريت كلنا نتعاون.

كلام مظبوط والله ، وإحنا لازم نلتزم فعلاً بالسرعات المحددة قانوناً وهى 100 كم على الطرق الصحراوية و 90 كم على طريق القاهرة /اسكندرية الزراعى و60 كم فى مداخل المدن وستزيد السرعة على طريق القاهرة / الإسكندرية الصحراوى الى 120 كم اعتباراً من نهاية العام القادم وبعد الإنتهاء من تطوير هذا الطريق ، وأعتقد أن هذه السرعات مناسبة تماماً لحال طرقنا السيئة ، ونحن كأعضاء منتدى مصر موتورز يجب أن نكون قدوة لكل سائقى مصر
وقانا الله وإياكم شر الطريق وصحبتكم السلامة دائماً