السلام عليكم ورحمة اللة وبركاتة

انا عندي عربية 113 اسبيرنزا

1- عندي الفرامل لما ادوس فرامل بتعمل صوت زي تخبيط وبيظهر اوي في الفرامل المفاجئة مش عارف هل هو تيل فرامل ولا هو اي بي اس ولا اية انا عامل 5000 كم ومبدئتش تظهر الصوت دة يمكن الى بعد ال2000 تقريبا

2- عندي مشكلة في الكوتش اني لما ادوس فرامل بسمع صوت صريخ بالكاوتش هل عايز الكاوتش يتغير ولاظبط زوايا ارجو المساعدة

بالنسبه لصوت التخبيط ده ال اي بي اس
وده عادي و في كل العربيات
لان نتيجه لضغطك علي الفرامل و العربيه تقف بسرعه لازم يكون في رد فعل لضغط الفرامل وده عادي وبالتعود هتحسه عادي
بالنسبه للصفير بيحصل اما بتاخد ملف بسرعه وبتفرمل و ده عشان الفرامل مختلفه العجلتين الي قدام عن الي ورا
وده برضو عادي و موجود في عربيات كتير غير الاسبرانزا
وربنا يباركلك فيها ويكفيك شرها
وكلامي علي فكره من مهندسين التوكيل