سؤال في دورة التبريد
 

أعضاء المنتدي الكرام ليه سؤال في دورة التبريد :
هوه فيه حاجة أسمها " صوباع الحرارة " ، وإيه وظيفته ، وهل فيه فرق بينه وبين الترموستات ، يعني هل هوه إللي بيشغل الترموستات ولا الترموستات بتشتغل لوحدها ، ولو هوه باظ إيه إللي بيحصل في العربية .
الرجاء أفيدوني ، مع الشكر

رد: سؤال في دورة التبريد
 

السلام عليكم

صباع الحرارة هو حساس الحرارة، وده المسئول عن تشغيل مراوح التبريد وفتح ثرموستات الكوعة.

وطبعاً لو باظ بتبقى مشكلة كبيرة
إما يقفل الثرموستات ومايخلهاش تفتح، والمياه ما تقلبش في دورتها الكاملة
وإما ما يديش إشارة للمراوح علشان تشتغل.

وفي كلتا الحالتين الحرارة هتعلى، ولا قدر الله السائق لو ما أخدش باله العربية تجيب وش

رد: سؤال في دورة التبريد
 

الف شكر علي المعلومات القيمة ديه ، وليه سؤال تاني ، هوه لو الهواء متخدش من الردياتير ممكن مؤشر الحرارة يتبرجل ويعلي ويوطي ؟ مع خالص شكري وتقديري

رد: سؤال في دورة التبريد
 

لو فيه هواء في الدورة الحرارة طبعاً هتعلى، ولمبة الحرارة تنور

لكن من الصعب أنه يخلي المؤشر يعلى ويوطى كده على طول، ده ممكن يكون عيب عدادات