الحمد لله دفعت عربون فكترا 2007
 

النهاردة و انا ماشى فى مدينة نصر مع واحد زميلى . رحنا دخلنا معرض سيارات فى ش النزهة
المهم لقيت عربية اوبل فكترا 1600 موديل 2007 حالة شاذة و لونها اسود ملوكى جميل اوى و بصراحة انا كنت قرفت لانى بايع العربية من حوالى 3 شهور و كرهت حياتى فى التكوسة
كلمة من هنا و كلمة من هنا اتفقنا على 95 الف و رحت بالفيزا سحبت 5000 و دفعتهم عربون
مواصفات العربية
فبريكة برة و جوة
مانيوال
لون اسود
عداد 47 الف كم
الصالون باكياسة
الكاوتش جديد
معمول ليها صيانة كاملة فى التوكيل
فيها رخصة 3 سنين
العربية كانت بتاعة عميد كلية فى 6 اكتوبر و كل مشيها للمصيف بس لان الكلية طبعا موفرة عربية للعميد و دى تطلع فى المصايف على الطوالى بس
بس بصراحة خايف منها شوية
بكرة متفق انى اروح اكشف عليها فى منصور الطيران و انا متاكد انها سليمة 100 %

رد: الحمد لله دفعت عربون فكترا 2007
 

مبروك عليك السياره مقدما
ربنا يعطيك خيرها ان شاء الله .... ويكفيك شرها

رد: الحمد لله دفعت عربون فكترا 2007
 

مبروك عليك السيارة

بس ماكنتش دفعت عربون قبل الكشف عليها

عموما ربنا يستر , وطمنا بعد الكشف عليها

رد: الحمد لله دفعت عربون فكترا 2007
 

الف مبروك
و السعر حلو قوى

رد: الحمد لله دفعت عربون فكترا 2007
 

الف مبروك يا جميل وربنا يديك خيرها ويكفيك شرها ولو ان كان نفسي بالمبلغ ده كنت تجيبلك حاجه زيرو لحسن موضوع المستعمل ده بيكون في قلق كتير يعني كان ممكن تجيبلك الكيا السيراتو او الالنترا زيرو علي الاقل كنت هتكون متاكد انك اول واحد يركبها