|
انصحوووني
بيكانتو مستعملة موديل 2006 ولا اسبيرانزا جديدة 2010 ؟
يا ريت كل واحد يرد عليا ويقولي راية |
رد: انصحوووني
هوه انا الصراحة مش معجب بالأثنين, بس طبعا البيكانتو تتفوق على الأسبيرانزا, البيكانتو كورى والأسبيرانزا الناس يا أما تمدح فيها وتقول قصايد شعر, يأما تقعد تشتم فى الصين وفى العربية.
والأسبيرانزا عربية صينى بتتجمع فى مصر, عايز سبب تانى:) الأسبيرانزا شكلها حلو وكماليتها كتير بس للأسباب السابقة البيكانتو تتفوق, والصينى لسه مأثبتش مكانته وجدارته فى السوق والأراء عليه متضاربة وسوق أعادة البيع بتاعه مش ماشى زى الكيا. البيكانتو عربية شبابى صغيرة ب200 جنيه تخليها عربية كوول, وزى أى عربية كورى صيانتها سهلة وقطع غيارها موجودة ورخيصة, ولو مفيش أختيار ثالت عندك يبقى البيكانتو تكسب. ده رأيى ونشوف باقى الأراء. |
رد: انصحوووني
اكيد البيكانتو ارحم من الصينى
|
رد: انصحوووني
انا مع رئي الاعضاء طبعا البيكانتو وكمان 2006 يعني لسه بحالتها
وكمان لازم تراعي العربيه انها مستعمله يعني حاله العربيه تحك لو البيكانتو متبهدله قوي طبعا المهم اساسيات العربيه وحاسس انها تعبانه يبقي تهخليك في اسبرانزا الاسبرانزا مع صديق ليا وبيشكر فيها هيا مش وحشه اوي اعطلها كلها بتتعمل في التوكيل وقطع غيارها موجوده بصراحه الموضوع محير شويه بس انت اللي شايف حاله العربيه يبقي لو البيكانتو حالتها كويسه ومش مبهدله هتكون احسن لكن لو هتكون مبهدله وحاسس انها هتتعبك يبقي تريح دماغك وتجيب اسبرانزا |
رد: انصحوووني
لو بنتكلم عن البيكانتوا اسبرانزا a113
بكل بصاطة اقول يبقى اسبرانزا ودة لعدة اسباب 1. عربية جديدة والجديد طبعا بيكون افضل من عربية قديمة حتى لو موديل من سنة 2. عربية 1300 سى سى مع التكيف عزمها هيكون كويس ومش هتحسى ان العربية مخنوقة زى البيكانتوا 1100 سى سى مع التكيف العربية مش هيكون ليها عزم كويس 4. سعر العربية الاسبانزا انسب وهى جديدة من ان اجيب شى مستعمل ونفس سعر عربية جديدة 5. قطع غيار اسبرانزا اقل من البيكانتوا 6. سعر اعادة البيع للعربيتان هيكون قريب من بعد بس هيميز الاسبانزا اننا جيبين عربية جديدة وبعد 10 سنوات هيكون مر عليها 10 اعوام اما البيكانتوا هيكون مر عليها 14 عام 7. الاسبرانزا بيها كمليات اعلى من البيكانتوا لو كانت العربية المعروضة امامك اول مواصفة فى البيكانتوا يعنى من دون زجاج كهرباء وفجات وفى النهاية اعمل استخارة وشوف ال عربياتن وانت مستريح لاية فيهم وان شاء الله يكون اختيارك فى خير لك |
| الساعة الآن 10:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017