مصر موتورز مجتمع السيارات - العربيات فى مصر فرز تانى

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - العربيات فى مصر فرز تانى (https://www.masrmotors.com/vb/showthread.php?t=30611)

العربيات فى مصر فرز تانى

ياجماعة انا فى الاردن وعايز اجيب عربية فحسبت تمنها بالجمارك لقيتها اغلى من مصر بحاجة بسيطة ففى ناس كتيييير قالولى هتها من هنا احسن لان هنا العربيات كلها فرز اول وتقفيل بلدها لكن فى مصر العربيات بتبقى تقفيل مصرى (وما ادراك وما التقفيل المصرى) واللى بتيجى من بلدها بتبقى فرز تانى فعايز رايكوا فى الموضوع دة اجيبها من هنا وادفع الفرق بس تبقى حاجة كويسة ومضمونة ولا اجيبها من مصر وانا وحظى

ودا موضوع اكد كلامى لقيتوا فى احد المنتديات عن هيونداى

اقتباس:

مجموعة شركات غبور:
.
3- يستورد غبور من هونداى سيارات فرز ثان بأسعار أقل ليتمكن بها من ضرب المنافسين الا أن هذة السيارات غير مأمونة و تفتقد لأدنى معايير الأمان و المتانة و بها عيوب جوهرية خطيرة فهى تنقلب أو تشتعل بسبب انفصال العجلة الأمامية و وجود عيوب بالفرامل و الشاسية و خزان الوقود. لذلك كان أكبر معدل حوادث سيارات فى ال 10 سنوات الأخيرة هو لسيارات هونداى اكسيل و أكسنت و ميكروباص.
4- يزور غبور بيانات محركات السيارات هونداى لتبدوا أقوى من حقيقتها فعلى سبيل المثال قوة محرك فيرنا الحقيقية 82 حصان فى حين تزعم مواصفاتها المزورة ان قوتة أكثر من 100 حصان و تبلغ قوة محرك ايلانترا الحقيقية 92 حصان فى حين أن مواصفات السيارة المزورة تقول بأن قوتة 107 حصان و تبلغ قوة محرك السيارة سوناتا الحقيقية 102 حصان فى حين أن مواصفات السيارة المزورة تقول أن قوتة 140 حصان و هكذا.
5- السيارة فيرنا هى السيارة أكسنت و لكن غبور يخفى هذة الحقيقة لكى يجمع السيارة أكسنت 1300 التى يستوردها مكوناتها بسعر رخيص لتوقف انتاج هذا الموديل و ذلك بالرغم من سقوط سنة موديلها و أصبح لذلك غير مصرح باستيرادها. فى نفس الوقت يبيع غبور هونداى فيرنا 1500 و كأنها موديل أخر.

رد: العربيات فى مصر فرز تانى

ولاهي الكلام دة يخلي الواحد يشك بصراحة خد راي اشتريها من عندك واقضي علي كل هذة الشكوك وريح بالك ما جاتش علي كام الف زيادة في سبيل حاجة معقولة ومضمونة

رد: العربيات فى مصر فرز تانى

كلام لا اساس له من الصحه
مافيش مصنع بيضحي بسمعته من اجل توكيل.
العربيات اللي بتنزل هنا نفسها العربيات اللي بتنزل في اي مكان
الفرق بس فرق الاوبشن اللي الوكيل بيطلبه انما نفس الجوده مافيش ادني اختلاف.

رد: العربيات فى مصر فرز تانى

نصيحة انسي الكلام اللي بيتكتب ده لان فعلا لا اساس له من الصحة لان اكتر من نص الشعب المصري معاه هيوانداي ولو زي ما الخبر بيقول يبقي كان زمان مصر دلوقتي مفيش فيها اي ازمة سكان هتجيب العربية من عندك مفيش مشكلة بس انسي ان حد هيضمنهالك هنا وبعدين العربيات اللي بتنزل الاردن بتكون مخصصه لطبيعة الارض والجو هناك وطبعا هناك غير هنا

نصيحة هات عربية معروفه ومضمونة من هنا بدل بهدلة الجمرك والقرف بتاعه

رد: العربيات فى مصر فرز تانى

مش فرز تانى بتقى كمليات اقل و اكسسوارات اقل كمان و ده بيعمل فرق سعر فى التوكيل غير كده كله واحد اصلى العربيات غير الاشانى فرز اول و تانى :)