|
استلمت السايبا برايد النهارده ولكن
الحمد لله إستلمت السايبا برايد ولكن فواصل السيارة مش عجبانى وقلتلهم فى المعرض قالو فى صيانة 1000 كيلو هيظبطولك كل حاجة . حيث أنه فواصل الأبواب غير متساوية كل واحد براحتو . ثانيا فيه لمبة فى التابلوه بجانب العدادات فى الشمال فوق منورة طول ما الموتور داير وعند إطفاء الموتور والمفتاح راكب بتنور وتطفى ممكن بعد إذنكم أعرف بتاعة إيه ؟ ثالثا أنا جبتها بدون تكييف أو بور وقالولى فى المعرض التكييف ممكن أركبه بعدين أما البور مينفعش يركب لأن اللى فيها بور ستيرنج بتيجى جاهزة كده وبتبقى مختلفه عن اللى مفيهاش بور هل ده كلام صحيح ؟ يعنى مش ممكن حتى يجى إستيراد إستعمال الخارج ويركب . ولوممكن حد يقولى تكاليف تركيب تكييف إستيراد كام و فين أفيدونى أفادكم الله
|
رد: استلمت السايبا برايد النهارده ولكن
الأخوة الكرام أعضاء المنتدى الكريم برجاء من سيادتكم الرد والإفادة جزاكم الله خيرا
|
رد: استلمت السايبا برايد النهارده ولكن
اسف يا استاذ شريف على التاخر فى الرد
بالنسبة للمبة التابلوه ياريت توضلحلى بالظبط شكلها ايه رسمتها يعنى او لونها بالنسبة لفروق الابواب ديه للاسف متظبطتش ديه قصه الصاج كده وده عيب سخيف فى البرايد فعلا لكن غير مؤثر على حاجة يعنى اللهم الا انها لو هتركنها فى الشارع هتلم تراب فانت جيبلها غطاء وبس التكييف يركب والباور يركب بس هى العربيه خفيفة اصلا من غير باور وكمان امان اكتر بدون باور وبتخلى التحكم فيها على السرعات كويس خد بالك كمان علبة الدريسكيون الاصلية ممتازة حاول تستهلكها وتحافظ عليها لحد ما تجيب اخرها ولما تبقى تبوظ فكر ساعتها انك تجيب واحدة باور بمشتملاتها الف مبروك وربنا يهبك خيرها ويكفيك شرها ولو فى استفسار انا تحت امرك |
رد: استلمت السايبا برايد النهارده ولكن
1 مرفق
أستاذى الفاضل أبو نورا ألف شكر على ردك وإهتمامك ربنا يباركلنا فيك يارب ومرفق صورة تبين مكان وشكل ولونها أحمر اللمبة طول ما الموتور داير منورة أما عند فصل الموتور والمفتاح فى الكونتاك بتنور وتطفى ولو ممكن أعرف تقريبيا تكاليف تركيب التكييف إستيراد وأفضل مكان فين لو ممكن وألف شكر ليك يا أستاذنا الكبير على فكرة حضرتك اللى حببتنى فى البرايد وخلتنى خدت قرار الشراء كنت ممكن أجيب لادا أوشانا صينى أو سوزوكى ألتو بس إخترت البرايد تفتكر إن قرارى كان سليم ومتشكر أوى ليك على إهتمامك
|
رد: استلمت السايبا برايد النهارده ولكن
راجع الكاتالوج الخاص بالسياره لتعرف ما المكتوب امامها
للاسف الصوره غير واضحه انت مصور الصوره والعربيه مبطله ليه |
| الساعة الآن 10:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017