مصر موتورز مجتمع السيارات - تحذير للناس اللي رايحة بورسعيد بعربيتها وبالذات احمد باشا بدر

خالي بالكم من الردار وبالذات الردار الليلي اللي في طريق الاسماعليه

مكانه بالظبط

اولا بالنهار :
1- القاهرة - اسماعيلية:
اول مكان الكيلو 42 فى لجنه بتاعت الطريق ودى معروفه البيه اللى هو الرادار بيقبى واقف قبل الدوران للخلف بـ200 متر بضبط
ثانى مكان بعد الكيلو 42 وبعد ما تعدى مستشفى الدولى بتخوش على ستيلا مصر بيبقى واقف قبليها تقريبا بكيلو
على العموم بيقف قدام اعلان كبير لشركة بتعمل خرصانة ذاتية الدمك
وبعد كدة مافيش نهارى تانى بعد العاشر معرفش حاجة

2- الاسماعيلية القاهرة :
المكان الوحيد اللى بشوفه فيه قبل اكوابارك فيه فيلا هو بيقف عند الباب بتعها واللجنة بتبقى عند اكوابارك
دا بالنسبة للنهار ودا بالنسبالى عادى يعنى حتتلقط رادار بعدية اللجنه تسحب الرخصة وخلصت
ولكن المصيبة فى الليلى انك تفضل كل يوم تتلقط رادار وانت مش عارف تيجى وانت بتجدد الرخصة يبياعوك اللى وراك واللى ادامك وتلاقى عليك مخلفات بالالف ممكن تعدى اصلا سعر العربية

المهم نبتدى فى المصيبة الليلية
1- القاهرة - الاسماعيلية :
اول مكان بيبقى واقف فى الدوران للخلف اللى عند مدرسة الكنانة ومعهد العبور
ثانى مكان فى لجنه عند العاشر من رمضان هى مش شغالة بس عشان خاطرنا شغلوهلنا رادار ليلى ودى بقى فى مكان زى العسل جدا لانها فى منزل كوبرى اللى بيعدى طريق بيلبيس حتلاقى الشرطة العسكرية وهما وراها

2- الاسماعيلية القاهرة :
ودا لسه عاملينه النهارده يعنى مكفهمش اللى عمله فى الاتجاة التانى جيين هنا يكملو
ودا بقى بيبقى واقف فى الدوران للخلف اللى بعد المستشفى وانت جاى من القاهرة

وبكده اكون خلصت

انا بنبهك من اولها اهو يا ابو حميد علشان متجيش في كل مقابله تنكد علينا بمخالفاتك هههههههههههههههههه بهزر معاك يا سكر اصل انا عارف انك استاذ سرعه خلي بالك وكل الاعضاء يخلوا بالهم