|
باركولي يا جماعة الحمد لله اشتريت كورولا 2009 mmt
سلام عليكم ورحمة الله وبركاته ازيكوا يا اعضاء مصر موتورز الكرام . انا اخوكم احمد محمود الحمد لله وفقني الله واشتريت تويوتا كورولا 2009 mmt هاي لاين 1600 , هي ما شاء الله جميله جداااا ( قوه - فخامه - ثبات - امكانيات ) , بس انا ليا بعض الملاحظات ياريت تتابعوني فيها : - 1- العربية عمله 800 كم تقريباً . 2- بلاحظ بالليل دائماً سخونه خفيفه من فتحات التكييف في التابلوه آتيه من الكبود وده لما اقرب ايدي من الفتحات, مع العلم اني مش مشغل التكييف طبعاً ,وايضاً اسفل الفتيس واسفل الدريكسيون . 3-استهلاك عالي للبنزين انا تقريباً مونت بنزين 92 (48 لتر) مشيت (530 كم) . 4-العفشه نشفه نسبياً في المطبات مع وجود رجرجه خفيفه في الدريكسيون وايضاً عند الضغط على الفرامل وانا ماشي على المطبات بسمع صوت تكتكه كأن حاجه بتخبط في حاجه تانيه وبحس بيها في رجلي وانا دايس فرامل (المطبات دي يعني شارع مكسر وحفر ضغيره) . 5-مثبت السرعة بدوس عليه وينور في التابلوه وسيب بنزين مش بيثبت ولا حاجه السرعة بتنزل تاني . 6-اخيراً موضوع الفتيس mmt واللي سبب جدال كبير للجميع نقل التروس وتوقيت نقل التروس الاوتوماتيكي , هو بصراحه تقنيه جديده وكويسه ومريحه من ملل الدبرياج ولكن تعليقي على نقل التروس يستغرق تقريباً ثانيه للنقل وهو يعني معقول ولكن احنا الشباب شايفين انو وقت طويل للي بيحي الشد والجري والغرز ولكن للقياده المعقوله والهادية هو مناسب جدااا ولكن في بعض الاحيان الواحد تستدعي معاه الشد فتقف قدامه عقبة وقت النقل زي انا بردو , اما توقيت نقل التروس فهو متغير حسب درجه الضغط على الدواسه بحيث لو ضغط على الدواسه براحه تلاقي ال rpm اخره 2 قياده هاديه ولكن عيبها تحس بتقل الموتور لان الخامس بينقل على 1,5 تقريباً فتكون مضطر لزيادة الضغط على البنزين ليتم النزول الى الغيار السابق لزيادة العزم وتحس بخفة الموتور فكل ما سبق يسبب ضياع للوقت تلاقي وانت ماشي ثواني كتير بضيع بسبب نظام التوقيت المتبع في نظام السيارة لنقل التروس ولكن الحل الامثل هو زيادة ضغط بدال البنزين هو الحل لزيادة عدد لفات الموتور وللحرق ممكن توصل ل 80كم في 4 ثوان تقريباً ده زمن قياسي عن تجربه ده بنظام ال es سؤالي هنا للي عمل التعديل في التوكيل ايه القطع اللي اتغيريت وما هو التقييم بعد التعديل من ناحية توقيت النقل بالتفصيل واكون شاكر جداااا . في انتظار الردود .... |
رد: باركولي يا جماعة الحمد لله اشتريت كورولا 2009 mmt
الف مبروك يا mada وربنا يديك خيرها ويكفيك شرها - بس مش شايف انها غريبه شويه انك تشترى الموديل ده بالرغم من كل اللى اتقال عنه (اقصد mmt)
|
رد: باركولي يا جماعة الحمد لله اشتريت كورولا 2009 mmt
شكرا للرد
انا مختش باللى يتقال ولكن بالركب وجرب دى حاجه وحاجه تانيه من ناحيتي انا الشخصية هي ان نظام العربية عجبني ماشي مع تفكيري وقيادتي وبعدين انا سألت ودورت هنا وهنا آراء كل الناس تقريبا والنت وكاتالوجات علشان الم بأكبر معلومات عن السيارة واتضح ليا فعلاً انها مش مفهومه في مصر للأسف . على فكره -- فكرة الفتيس بتاع التويوتا الMMT موجود ايضاً في الاوبل فيكترا الجديده وبعدين ايه يا جماعه 33 شافو الموضوع و واحد بس هو اللي رد عليا على العموم انا منتظر ردكم لانه يهمني جدا وشكراااااااااااااااا |
رد: باركولي يا جماعة الحمد لله اشتريت كورولا 2009 mmt
الف مبروك و ربنا يديك خيرها و يحميك من شرها
بالنسبه للسخونه القادمه من الهوايات يجب ان تقفل الهواء من الزرار المخصص ضمن ازرار التكييف و دا بيخلي الهوا ما يجيش من بره و بيبقي مرسوم عليه عربيه و سهم داخلها. بالنسبه للسخونه من الفتيس فدا شئ طبيعي في اي عربيه تويوتا. استهلاك البنزين مش حينفع تحدده قبل ما العربيه تمشي 2000 كيلو علي الاقل لحد ما تلين كويس العفشه ناشفه علشان العربيه جديده بس شويه و حتلاقيها بقت احسن |
رد: باركولي يا جماعة الحمد لله اشتريت كورولا 2009 mmt
شكرااا يا ا/ حازم خضر على معلومات واهتمام حضرتك .
انا في انتظار ردود عن موضوع التعديل للفتيس ال mmt وتقييمه الفعلي بعد التعديل وايضا قطع الغيار المستبدلة . وشكراااااااااا |
| الساعة الآن 03:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017