|
مشكلة التكييف فى اللوجان
السلام عليكم
أنا الحمدلله أستلمت الوجان الول أوبشن من أسبوع و العربية جميلة بأستثناء مشكلة التكييف. المشكلة أننا لما بشغل التكييف على أى سرعة صوت المتور بيعلى جداااااااا و لو واقف بيفضل المتور بينعر على فترات متقطعه و ال أربم بيتحرك مع صوت المتور و لما بكون ماشى بيحصل تنتيشه فى العربيه واضحه جدا و بتقل مع زياده السرعة بس بتفضل موجوده . و مع كده أنا مش حاسس أن التكييف بيسقع مع العلم أنا عامل 390 كم و أعلى سرعه جبتها كانت 100 كم /س . ياريت يجماعة حد يفيدنى عشان بدأت أقلق من موضوع التكييف |
رد: مشكلة التكييف فى اللوجان
انت لسة يدوب 400 كيلو ماتنتظرش من العربية انها تعطى افضل اداء ليها لان العربية تعطى افضل اداء بعد 3000 كيلو
بالنسبة للنتشة التوكيل بيظبط التكييف فى الصيانة وبيبقى زى الفل لا تقلق ... وصوت الماتور حيهدى مع الوقت وهيهدى اكتر بعد صيانة 5000 وهيهدى اكتر واكتر بعد اول تغيره زيت ......................... ............ الف مبروك وربنا يباركلك فيها ويكفيك شرها ويعطيك خيرها ... واصبر على لوجى شوية وحتشعر بتحسن الاداء تدريجيا |
رد: مشكلة التكييف فى اللوجان
اقتباس:
يعنى رأي حضرتك يا أ/ رينجو أننا أستنى صيانة ال 5000 و لا أحاول أروح قبل كده؟؟ و ربنا يبارك فيك |
رد: مشكلة التكييف فى اللوجان
انا شايف انك تصبر شوية على العربية حتى مش لازم تستنى لحد 5000 كيلو
لكن ممكن مثلا بعد 2000 كيلو تلاقى العربية فاقت والنتشة اختفت ... عموما انت ممكن تقلل شوية درجة التبريد وماتخليهاش على اعلى درجة والنتشة حتختفى مؤقتا لحد ما التوكيل يظبطهولك (درجة التبريد مش سرعة المروحة) واظبط التكييف انه ياخد الهواء من داخل الصالون .. وربنا يوفقك ان شاء الله ولا تقلق |
رد: مشكلة التكييف فى اللوجان
اولا الف مبروك على اللوجان بس ياصديقى مفروض انك متشغلش التكييف قى الالف الاولى المفروض انك جربته وانت بتشترى العربيه بس وتستنى بعد اول صيانه بعد الف كيلو
انا بنصحك متشغلوش خالص الا وانت بتعمل صيانه الالف وتشوف الوضع هايبقى ايه وهما يضبطولك المسائل مره تانيه مبروك |
| الساعة الآن 10:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017