بسم الله الرحمن الرحيم

عندى مشكلة مع اللانوس 1

http://img249.imageshack.us/img249/9908/10deikw.jpg

المشكلة الاولى المكان اللى فى الصورة ده بلاقيه سخن بدرجة تقلق والكلام ده بعد لما اركن العربية

وانا ماشى بيها بيبقى دافى عادى مقبول يعنى لكن اول ما اركن درجة حرارته تزيد

http://img175.imageshack.us/img175/6226/2dgqijq.jpg

المشكلة التانية لما شيلت الكافر الجلد من فوق الغيارات لقيت بخار طالع مش عايز اقول دخان لان لونه مش غامق

ورحت انا ووالدى وحطينا زيت للغيارات حاجة كده يعنى


المشكلة التالتة والاخيرة من غير صور انى الدبرياش بقيت حاسس انه خفيف بمعنى انى وانا طالع بالعربية

ارفع رجلى من على الدبرياش براحة زى العادى الاقى العربية تقيلة ومش عايزة تتحرك لو سرعت رجلى شوية العربية تفصل وده ما كانش بيحصل معايا وانا فاهم انى لو شيلت رجلى بسرعة حتفصل لكن انا بتكلم على العادى ان العربية حسيت ان استجابتها قلت فى الحركة الاولى منها

يارب تكونوا فهمتونى وارجو مساعدتى لانى المفروض محتاجها فى مشوار ضرورى بكرة فعايز اعرف اروح بيها عادى ولا فيها خطورة وانى استنى لما اروح لميكانيكى ارجو الافادة