أفضل الاكسسوارات الموجودة فى السوق المصرى
 

<!-- google_ad_section_start -->أنا رايح بكرة التوفيقية يا رجالة
و بصراحة غير جوز سماعات نضاف يمشوا على السى دى عندى معنديش فكرة أنا ممكن أشترى إيه اكسسوارات من هناك ..
يا ريت أى حد شاف حاجة كويسة أو جرب خاحة و عجبته يقوللى أشتريها منين و بكام ..
و إيه أفضل المحلات الموجودة و نظام و طريقة الفصال ..
و متشكر جدا لحضراتكم

رد: أفضل الاكسسوارات الموجودة فى السوق المصرى
 

معلش أنا مش بدخل على المنتدى دة كتير بس انت عايز تعديل داخلى ولا خارجى ؟
لو بالنسبه للداخلى عندك الحاجات دى كلها و دى أسعار المحلات يعنى مش التوفيقية ولا شارع دمشق و الكلام دة
أكيد فى الأماكن دى الأسعار هتقل حاجات بسيطة شوية
بالنسبه للسماعات بقى خد عندك كمان حاجة أسمها لايت سيستيم و دى بتكون حاجة أد كف الأيد كدة و بتنور مع الأصوات لأن بيكون فيها حساسات و دى سعرها 100 جنيه (لزوم العوجان لكن كأساسيات مالهاش لزمة)
طارة سبور سعرها بيكون فى حدود 120 أو 150 جنيه بالكتير
مقبض فتيس بـ50 جنيه
مقبض فرامل اليد حوالى 80 أو 90 جنيه (بس مالوش لزمة بصراحه)
شاشه دى فى دى بفلاشه و ميمورى دى بتعمل فى حدود 350 جنيه لو صينى و عندك لحد ماتوصل لألاف
أزاز كهربا كامل للأربع أبواب بـ600 جنيه
معطر الشجرة دة إلى بيكون متعلق دا بخمسه جنيه يتهئ لى و ممكن تجيب أسبرى كويس بعشرة أو عشرين جنيه
مش عارف أقولك كمان أية بصراحه من الداخل

من الخارج عمتا كل الكلام دة معروف
أكصدام أمامى و خلفى متنفخ و عتب هتعمل من 800 جنيه لو صاج
وش جاكمان فقط (الحته الصاج إلى طالعة بس) بـ60 جنيه و طلعها من الأكصدام الخلفى من فتحه تكون عاملهالها
و أسبويلر يكون شيك كدة بـ200 جنيه (طبعا المنظر بس لكن الأصلى بيوصل لألف جنيه لأنه بيكون حديد)
فوانيس كريستال و جنوط (السعر بيتحدد حسب الحجم و بلد المنشأ)
مرايتين محترمين كدة شكلهم شديد بـ150 جنيه

رد: أفضل الاكسسوارات الموجودة فى السوق المصرى
 

أنا متشكر جدا لإقتراحات حضرتك اللى كلها بتنم عن ذوق عالى

رد: أفضل الاكسسوارات الموجودة فى السوق المصرى
 

الله يخليك يا باشا دا واجب عليا
و يا ريت تقولنا عملت أية فى الاكسسورات و جبت أية و سعرها كام ؟
يعنى عرفنا الرحله كدة معاك أية نظامها

رد: أفضل الاكسسوارات الموجودة فى السوق المصرى
 

أكيد بمجرد ما أرجع هغرق الدنيا صور و هقول أنا اشتريت إيه و بكام ..