|
الطريق إلى التوفيقية
مساء الخير ..
الحمد لله ربنا كرمنى بعربية صغيرة أنقذتنى من البهدلة بتاعة المواصلات .. و قررت أنا و زميل لى فى الكلية بعد انتهاء الامتحانات أن ننطلق فى رحلة من المنصورة إلى القاهرة لشراء بعض الاكسسوارات لسيارتينا .. و أ رشدنا البعض إلى أن أفضل الأماكن للشراء هى التوفيقية بالقاهرة .. و لأن معرفتنا بالقاهرة محدودة .. و بصراحة منعرفش التوفيقية دى منين بالظبط .. عملت الموضوع ده فى المنتدى علشان أطلب المساعدة فى بعض الأمور .. طريق مبسط و سهل للتوفيقية بالقاهرة علماُ بأننا سنأتى من المنصورة يعنى هندخل القاهرة من عند المؤسسة بشبرا أو ممكن ندخل الدائرى قبل المؤسسة .. أماكن سهلة علشان نركن العربية و منتبهدلش فى زحام القاهرة لأننا شايلين هم النقطة دى أوى .. أماكن مقترحة لشراء الأكسسوارات كالسماعات و الأشياء الأخرى اللى لسه مش محددنها علشان لسه هنروح و نشوف إيه اللى ممكن يعجبنا .. و يا ريت أى نصائح عامة لاتنين شباب مش من القاهرة رايحين يقضوا يوم هناك .. يعنى ناكل فين مثلاُ ؟ تفتكروا ممكن أشترى إيه من هناك و أشتريه منين .. يعنى أى حد اشترى حاجة كويسة يقترحها علينا .. |
رد: الطريق إلى التوفيقية
اقتباس:
ببساطة كده حتخلص شارع شبرا كله لحد ما توصل لنفق شبرا تطلع منه حتلاقى شارع رمسيس قاطع الطريق حتعدى أول أشارة وتانى أشارة حتلاقى أمامك شارع عرابى " طوالى برضه " جتدخل شارع عرابى وأول تقاطع حتلاقى على ناصيته الشمال جراج أنتظار أركن فيه وأنزل حتلاقى سوق التوفيقية أمامك مباشراً |
رد: الطريق إلى التوفيقية
"هتكمل مع المؤسسه على طول بس يكون النيل على يمينك وتفضل ماشى لغايع ما تعدى من تحت كوبرى 6 اكتوبر بعد مبنى التلفزيون
هتلاقى ممطلع كوبرى اطلعه وانزله هتلاقى اشاره كده انت فى اول التوفقيقة" دى وصفة صديق آخر .. يا ترى أيهما أفضل ؟ |
| الساعة الآن 06:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017