|
كتاوت مروحة رينبو
السلام عليكم ورحمة الله,
يا جماعة انا خلاص زهقت وأول مرة أحس بأني بدأت أكره الرينو, انا معايا رينبو مروحة الريدياتير مش بتفصل, والكهربائي قاللي المشكلة في الكتاوت, والكتاوت بتاعها مش لاقية لا جديد ولا حتى استيراد, الأمبير بتاع الكتاوت 50 امبير, وأعلى كتاوت لاقيته حتى عند بتوع البيجو كان 30 امبير بس, وانا خلاص طهقت, في حد عنده حل لمشكلتي؟ |
رد: كتاوت مروحة رينبو
والله يا باشا عن نفسى اللى اعرفه انها لو مشكله كتاوت المروحه هتفصل مش هتشنغل
لآن الكتاوت يا يشغلها يا ميشغلهاش مالوش علاقه بأن المروحه تفضل شغاله على طول اعتقد ان ده عيب ثرموستات مش كتاوت لان الكتاوت عندى لما فصل وركبت واحد زيه بتاع دايو اشتغل عادى وفضل شغال كام يوم شغلت التكييف وبقى عليه حمل وقت طويل ساح ومقدرش يستحمل لانه 30 مش 50 لكن لو هتشغله لمروحه التبريد فقط جرب تركب واحد 30 وشوف هيحصل ايه المروحه هتفصل ولا لا لان الموقف ده غريب جدا وهتبقى اتكلفت 10 جنيه بس على فكره احيانا الكتاوت بيعلق وبيحتاج انك تشيله وتنضف مكانه وهتلاقى المروحه فصلت وقتها لو هى شغاله على طول بس دى حاله نادره جدا ولو منفعش يبقى اعتقد هيكون ثرموستات وده اعتقادى من الاول وابقى طمنى يا باشا |
رد: كتاوت مروحة رينبو
الف شكر يا ريس على ردك واهتمامك, بس انا اتأكدت إن الثرموستات سليم لأن المروحة وهي شغالة ( معلقة مش بتفصل) فصلت الترامل (فيشة الثرموستات) اللي موصله للكتاوت والمروحة وفضلت المروحة شغالة برضه, وللأسف مش هينفع أعمل حركة كتاوت الدايو لأني بشغل التكييف.
|
رد: كتاوت مروحة رينبو
اقتباس:
يا ريس انا بقولك انت ممكن تجرب تعمل الحركه دى بكتاوت الدايو كتجربه مش لازم تمشى عليها وهى مجرد تجربه عشان نتأكد ان العيب من الكتاوت لو اشتغلت وفصلت جرب تنضف الكتاوت القديم وتنضف الفيشه وشغله تانى وجرب مفصلتش برضه على كتاوت الدايو يبقى فيه مشكله غير موضوع الكتاوت فاهمنى؟؟؟ |
رد: كتاوت مروحة رينبو
الف شكر يا أخ بوب على النصيحة, وانا جربت فعلا كتاوت تاني 30 امبير, والمروحة اشتغلت وفصلت كويس من غير مشاكل, ادعيلي ربنا يكرمني وألاقي الكتاوت الأصلي في أي مكان, لأنه في واحد كهربائي قاللي إن كل الرينو بيستعمل 30 أمبير ما عدا الرينبو 50 امبير ومش موجود, بس في سؤال لو سمحت:
إذا كان باقي انواع الرينو والبيجو بيستخدموا 30 أمبير وطبعا بتكون عربيات مكيفة, إيه اللي يمنع استخدامها في الرينبو, هل نوع المروحة في حد ذاتها ولا إيه؟ يعني لو غيرت نوع المروحة ممكن تمشي 30 أمبير مع التكييف؟ وشكرا لمتابعتك |
| الساعة الآن 10:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017