|
استفسار عن خرطوم الباور (ارجو الرد)sh_masry
السلام عليكم ...
عندى استفسار و ياريت تردوا عليا و بالذات احمد كار حبيبى و باقى المتخصصين ,,, رحت اعمل صيانه عاديه لعربيتى هيونداى الانترا موديل 2006 ( الشكل الأقدم من الحالى) و لاقيت الميكانيكى بيقولى هاتحتاج تغير خرطوم الباور قريب لأنه مرشح زيت و لازم يتغير و قاللى ممكن تروح عند واحد معروف اسمه القاضى او سركيس متخصصين فى خراطيم الهايدرولك و الضغط العالى و ممكن يغيرهولك فى حدود ال 150 جنيه بالمصنعيه, المهم قلت اروح اسأل فى التوكيل الخرطوم ده بكام طلع ب 740 جنيه و من برده التوكيل بس اصلى برده زى بتاع التوكيل ب 285 جنيه غير المصنعيه .... فأيه رأيكم اغيره بواحد اصلى و اامن و خلاص وللا اروح لبتوع الخراطيم الهايدرولك دول مع معرفه انى لما عديت على سركيس قاللى عندى خراطيم ايطالى نفس القطر بتاع الخرطوم بتاعك ..... فأيه احسن اخلينى فى الأصلى بتاع العربيه و بتاع بلدها وللا اخلى حد يلعبلى فيها بحاجه انا مش عارف هايعمل ايه فيها ؟؟؟؟ ارجو الرد سريعا لأنى عايز اغيره بسرعه علشان انا مابستحملش الهفوه فى العربيه ..... و شكرا لكم جزيلا ,,,, |
رد: استفسار عن خرطوم الباور (ارجو الرد)sh_masry
up up up up |
رد: استفسار عن خرطوم الباور (ارجو الرد)sh_masry
ازيك يا شريف باشا انا رأيي ان ألأأمن والاضمن انك تشتري الأصلي لأنه في حالة الخرطوم العمولة بيجيبلك خرطوم نفس القطر والمقاس وبيكبس رؤؤس مماثلة لنفس الرؤو س الموجودة علي الخرطوم القديم بس ممكن الكبس ده ما يبقاش كويس والخرطوم يفلت من عند الراس من شدة الضغط
|
رد: استفسار عن خرطوم الباور (ارجو الرد)sh_masry
الاصلي يا مان مافيش احسن منه ياباشا حتى لو غالي شويه بس هايظبط العربيه و ما يقرفكش حى لو تجيبه استيراد هايكون ارخص شويه
|
رد: استفسار عن خرطوم الباور (ارجو الرد)sh_masry
انا من رأيكم برده ههههههههه الأصلى مافيش احسن منه و شكرا للردود يا اساتذه
|
| الساعة الآن 10:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017