مصر موتورز مجتمع السيارات - اذى اروح السيده عائشه من عند حديقة الحيوان

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - اذى اروح السيده عائشه من عند حديقة الحيوان (https://www.masrmotors.com/vb/showthread.php?t=28406)

اذى اروح السيده عائشه من عند حديقة الحيوان

برجاء حد يساعدنى اذى اروح بالعربيه من عند حديقة الحيوان الى السيده عائشه
و لو ممكن من اليسده اذى اروح المظلات

رد: اذى اروح السيده عائشه من عند حديقة الحيوان

بص يا باشا بالنسبة للسيدة عائشة حضرتك هتعدي كوبري الجامعة عادي اكنك رايح على وسط البلد وبعدين تاخد شمال وتمشي على الكورنيش يعني موازي لشارع القصر العيني وبعدين اول لما تتقابل مع شارع القص العيني تاخد شمال اكنك هتلف وترجع تاني بس متلفش تاخد شمال بس هتلاقي كوبري في وشك هتطل الكوبري دا وبعدين ولا يمين ولا شمال هتنزل منو وتفضل علطول في شارع مجرى العيون لحد لما الشارع يخلص تاخد شمال هتمشي شوية تلاقي كوبري السيدة عائشة اوداماك لو عاوز تطلع وتعدي الناحية التانية ماشي لو عاوز الميدان تنزل من تحت الكوبري .
حضرتك تقصد من السيدة للمظلات.
لو دا قصدك يبقى هتمشي من السيدة لحد لما تطلع على وسط البلد وبعد كدا تمشي على الكورنيش اتجاه شبرا لحد لما تلاقي نفسك في المظلات.
اتمنى اكون قدرت اشرح لحضرتك كويس ولو في اي استفسار انا تحت امرك.

رد: اذى اروح السيده عائشه من عند حديقة الحيوان

في وصفة تاني سهلة
هتلف من عند عمر افندي وتوصل لحد كوبري عباس وتفضل ماشي علي طول لا يمين ولا شمال مع الشارع
هتعدي علي فاتن حمامة وبعدين الملك الصالح وبعدين الفسطاط وبعدين السيدة عائشة

ولما تحب تروح المظلات من السيدة
هتلف من تحت كوبري السيدة اكنك رايح علي الملك الصالح تاني وتاخد يمين من عند الاشارة (مساكن زينهم) لحد اخر الشارع هتلاقي نفسك علي الكورنيش اتجاة شبرا هتفضل ماشي علي طول لا يمين ولا شمال مع الشارع
هتعدي علي الوكالة وكوبري اكتوبر من تحت طبعا وهتلاقي نفسك في المظلات

رد: اذى اروح السيده عائشه من عند حديقة الحيوان

كل الشكر للاعضاء الكرام