|
استفسار عن اسعار مازدا 3
السلام عليكم اساتذة المنتدي الكرام لو سمحت كنت عايز اعرف اسعار المازدا 3 فى مصر كام يعني موديل 2005 - 2006 والفئات المختلفة وهل شكلها بيتغير من برا او من جوا معلش ياريت معلومات عنها بالنسبة لاسعار قطع الغيار والمشاكل عشان انا بعدت عن اختيار الميجان عشان مشاكلها كتيره وقطع غيارها غالية بس هيا فعلا جميله بس بصراحة انا مش ضامن ظروفي مع ارتفاع سعر قطع الغيار والمشاكل كتير انا عايز عربية تريجني مستقبليلا .. انا كنت ناوي على اللانسر 2005 - 2006 سوبر اكشن ان شاء الله بس حسب السعر برضه فياريت الافادة من خبراء القسم .. متابع بأهمية وسريعا عشان انا ان شاء الله عايز اخلص الاسبوع دا وشكرا لكمa |
رد: استفسار عن اسعار مازدا 3
مفيش عيوب شائعة فقط بعض الناس بتعتبر ان صالونها ضيق عن باقى الموديلات او مشاكل فى الاكسسوارات فى بعض الحالات لكن مش مشاكل متكررة والبعض بيعتبر ان استهلاك البنزين اعلى شويه لكن فى الغالب بتبقى ناتجه من اسلوب القيادة الرياضى خاصة والعربيه سحبها وادائها بشجع على كده لكن مفيش عيوب بالمعنى الحقيقى
لكن اعادة البيع مش سهلة زى باقى العربيات اليابانى المنتشرة كرولا او لانسر بالنسبة للموديلات فهى من 2004 ل 2009 نفس الشكل داخليا وخارجيا بس ممكن تكون فى اختلافات فى بعض الاكسسوارات حسب عروض الوكيل بالنسبة للاسعار فيفضل انك تسأل حد متخصص فى البيع والشراء ممكن تسال فى قسم البيع والشراء فى المنتدى هنا او تتابع الاعلانات فى الجرائد والمجلات لكن عامة الموديلات تحت 2008 بيتطلب فيها من 75 - 85 حسب الحالة |
رد: استفسار عن اسعار مازدا 3
شكرا يا استاذنا
|
| الساعة الآن 07:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017