عربيتى وقفت مرة واحدة
 

السلام عليكم
أنا معاكم جديد فى المنتدى
معايا عربية كيا بيكانتو 2006 عمرها ما عطلت معايا

فى يوم الصبح لقيت العربية اول ما طلعت عمالة تبطل لوحدها وانا ماشى على سرعة
بس اول ما اشيل رجلى من على البنزين تبطل على طول فقولت يمكن يكون البنزين فى ميه

المهم دخلت محطة بنزين قالولى لا ده العربية مافيهاش ميه "وديه عمرها ما حصلت"

حطيت ميه وركنت العربية تحت الشغل و انا مروح سمعت صوت غليان ولقيت لمبة الحرارة نورت بصيت مالقيتش ميه فى العربية

وفضلت أملاها ميه و أمشي عشر دقائق وتقل تانى و أملاها ميه وكدة

رحت لبتاع الريداتيرات فكه ونظفه وبعدين قالى ثرموستات الميه بايز ولازم اشيله

انا مارديتش اعمل حاجة علشان مش واثق فى كلامه بس لسه نفس المشكلة موجودة

غليان فى الأربة و بزود ميه كل عشر دقائق. وللعلم مافيش خرم ولا الريداتير مسدود والموتور مفيهوش مشكلة

بجد مش عارف اعمل اية يا ريت حد يقولى المشكلة فين ptmnlo123per144؟

رد: عربيتى وقفت مرة واحدة
 

زى الراجل ما قال الثرموستات او المروحة

رد: عربيتى وقفت مرة واحدة
 

متابع لحل مشكلة حضرتك

رد: عربيتى وقفت مرة واحدة
 

شكرا luckyman على الرد

انا هاوديها التوكيل يوم الاربع الجاى

أن شاء الله لما أتأكد من المشكلة هناك هابلغكوا هنا علشان غيرنا يستفيد

رد: عربيتى وقفت مرة واحدة
 

ممكن جدا يكون جوان وش السلندر,
اكشف على الزيت لو مطحن (لونه ابيض مثل الطحينة) يبقى غالبا ده السبب,
نقصان المياه السريع جدا غالبا بيبقى تسريب كبير أو جوان وش سلندر, لو مفيش تسريب اشتبه فى الجوان.
ثرموستات الكوعة ممكن يسخن العربية فالأفضل تغيره لو بايظ, انما معتقدش هو السبب فيما حدث.