|
صعبان عليا بلدي
صعبان عليا بلدي صعبان عليا ولاد في السكك نايمين وولاد طول الليل من الجوع صاحيين وأم غلبانه بتجري علي عيالها سنين وأب شقيان علي لقمة عيش ولاده مسكين ومستشفي حكومي تتعب السليم وأمراض ياما واكشف يا حكيم ودوا غالي تاريخ صلاحيته قديم ده مرض وراثي بس الجد سليم وجت المدارس وشنط للعيال والبت عايزه مريلة ومقلمة وكشاكيل ودرس للواد الخايب وسندوتش لأخوه الأكيل واخر السنة ملحق ومدرس عايز التحصيل وناس فاضية علي القهاوي قاعدين علي الرايح والجاي الكلام راميين وساعة الماتش صوتهم عالي طخين لا بيهمهم نايم ولا حتي حزين وتركب ميني باص او حتي باص كله باظ والمترو كمان هاص ومنادي الميكروباص علي البنات بصاص يا أخي عيب خلي عندك إخلاص وزرعتنا طرحت وبأيدينا سقيناها وبعد ماحطينالها الكيماوى أكلنها وناس بتشكى منها وهى دواها لاعجبهم زرعها ولاحتى مسقاها والمصنع بنيناه وقلنا الخير هيعم دي طاقة القدر وخلاص هننسي الهم وجت الجات والمصنع بقي هدم وتروح فين ياحزين من الغم وسبنا الزحمة وجرينا على المدن الجديدة أصلهم بيقولوا القعدة هناك سعيدة كل الخدمات تلاقيها عنك بعيدة والصحراء قدامك اجرى وارمح فيها |
رد: صعبان عليا بلدي
قصيدة جامدة وفعلا كل حاجة صح.
وانشاء الله ربنا يكرمنا والاحوال تتعدل. |
رد: صعبان عليا بلدي
اقتباس:
الدوا مش منتهى الصلاحية ومتخافوووووووووووووش دي على مسؤليتي |
رد: صعبان عليا بلدي
اقتباس:
قل: إن شاء الله لا تقل: إنشاء الله اقتباس:
خالي الواحد ساكت احسن |
رد: صعبان عليا بلدي
تسلم يا ابو عامر علي الابداع الحقيق
دايما كلامك في الصميم و معبر |
| الساعة الآن 10:07 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017