مصر موتورز مجتمع السيارات - تجديد رخصة العربية عن طريق الموبيل هههههههه

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - تجديد رخصة العربية عن طريق الموبيل هههههههه (https://www.masrmotors.com/vb/showthread.php?t=26864)

تجديد رخصة العربية عن طريق الموبيل هههههههه

اشد نكتة سمعتها حوار انك تقدر تجدد رخصة العربية عن طريق الموبيل طب والحكومه تاكل عيش ورشاوي منين شوفوا الخبر ده منقول من كونتكت كارز واحكموا انتم وهل ده حلم ولا علم بس علي ما اعتقد هتلاقي بردك الموظف ممكن يقولك اشحنلي ب 100 جنيه وانا اخلصلك ترخيص عربيتك علطول وهي ديه مصر يا عبلة هههههههههههه جملة الاخت ميمي خدو الخبر يمكن تقدرو تحكموا انتوا

http://contactcars.com/Images/News/Large/Merour1.jpg

أعلن الدكتور أحمد درويش وزير الدولة للتنمية الإدارية أنه سيتم تقديم عدد من الخدمات الحكومية إلكترونيا على الهاتف المحمول قبل نهاية العام الجاري.

وتشمل تلك الخدمات تجديد تراخيص السيارات، حيث تتيح الخدمة الجديدة تجديد تراخيص السيارات عبر ماكينات الصراف الآلي الموجودة لدى بعض البنوك والتي تحمل علامة شركة "فوري"، بحسب تقارير محلية الأربعاء.

وقال حسام راغب مستشار الوزير في كلمة ألقاها نيابة عن الوزير خلال مؤتمر تكنولوجيا معلومات البنوك "بنك تك" إنه سيتم التوسع في تقديم الخدمات الحكومية من خلال المحمول الذي يحمله أكثر من 60 مليون شخص بحيث تتاح تلك الخدمات لكافة المواطنين.

وأوضح راغب أن الوزارة تتعاون مع عدد من البنوك في بعض الخدمات الحكومية منها صرف معاشات ومرتبات المواطنين عبر بطاقات الصراف الآلي.

وكل سنة وحكومتنا معلمانا الادب

رد: تجديد رخصة العربية عن طريق الموبيل هههههههه

ده انت بتروح المرور عشان تطلع الرخصة وقبل مابتطلعها بتطلع روحك فمابالك اشحنلى على رايك ب100 جم وماوصلوش لا وصلوا وندخل عالم جديد من الرشاوى والاشتغالات

رد: تجديد رخصة العربية عن طريق الموبيل هههههههه

لو الخبر دة صح واتنفذ ليك عندى غدوة عند قدورة بتاع السمك
لو متنفذى تعشينى عند الدهان اية رايك؟

رد: تجديد رخصة العربية عن طريق الموبيل هههههههه

انا كمان قرأت الخبر ده امبارح على النت واستغربت للوهلة الأولى طب ازاى يعنى يعنى حضرتك هتطلب مثلا رقم 0900 ولا اى رقم من الأربع ارقام اياهم ومقابل ذلك هيتخصم مبلغ كذا من رصيدك طب وبعدين هتستلم الرخصة ازاى يعنى هيبعتوها فى البريد ولا عن طريق SMS
والبنوك اللى هتشترك فى الخدمة هتقوم مثلا رايح عليها وتقوم حاطط الفيزا كارت تقوم الرخصة الجديدة طالعة لك على طول طيب واللى ملوش رصيد فى البنوك دى وفيش معاه فيزا كارت ولا يحزنون وفيش معاه الا المحمول هيعمل ايه

رد: تجديد رخصة العربية عن طريق الموبيل هههههههه

ايوه يا جماعة المفروض ان فيه خطه لدفع الرسوم الحكومية عن طريق الشحن بالتليفون وحتى اعلنو عن نفس النظم فى فاتورة الكهرباء والمية

بحيث بعد كده عايز تدفع فاتورة الكهرباء (كهربنى شكراً) و فاتورة الميه تبعت رساله (طرطشنى شكراً)

والله ناس عماله تجرب فينا حاجات هما مش فاهمينها اصلاً واللى يعيش ياما يشوف