|
Octavia A5 2006
معروض علىّ Octavia A5 2006 الكيلوميترات اللى عملاها 83000 بسعر 95.000 EGP
العربية حالتها العامة جيدة جداً لكن بها Computer Error!! و جلد الباب مطقطق بسيط بفعل الشمس و خدوش و لكن مش رشة خالص. برجاء الافادة و شكراً مقدماً |
رد: Octavia A5 2006
فيها فتحه سقف ؟ فتيس ستبترونيك الجديد ولا اوتوماتيك ولا مانيوال ؟
بالنسبه لمشكله كومبيوتر العربيه دى بايخه جدا لان كومبيوتر العربيه تقريبا بيتحكم فى كل حاجه فى العربيه فممكن تسأل التوكيل على تكلفه اصلاحه لانها ممكن تكون غاليه جدا وممكن تكون عاديه بالنسبه لعدد الكيلومترات للمده الزمنيه يعتبر معقول وعلشان تقارن السعر بالنسبه لسعر السوق انصحك تشوف موقع كونتاكت كارز هتلاقى فيه عدد لا بأس به من الاوكتافيا فممكن تشوف سعر السوق ماشى ازاى لكن بجد تأكد من موضوع كومبيوتر العربيه لأنه مهم مش مجرد رفاهيه وربنا يوفقك |
رد: Octavia A5 2006
بالنسبة للسعر ممكن ينزل شويه فصال بس هو السعر معقول على الموديل ده والعداد كمان معقول وعلى حسب كلامك ان الحالة العامة ممتازة
بس موضوع الكمبيوتر ده لازم تعرف سبب الايرور فانت روح اكشف عليها فى الاقصى مثلا اللى فى العبور او فى مركز خدمة كويس وحطها على الكمبيوتر واعرف فيها ايه واذا حاجة بسيطه استخير وتوكل على الله |
رد: Octavia A5 2006
شكراً يا جماعة على ردودكم..
العربية بها tiptronic gear box الerror اللى بسبب الكنترول..و على ما اعرف التوكيل مش بيصلح..على طول بيغير الكنترول. و عرفت انه فى الهاشمية يكلف 4800 EGP على انه هايجى من المانيا!!! و عرفت كمان انه ممكن اصلاحه فى الحرفيين لكن مش متاكد يكلف كام (500 EGP!!!) الحقيقة انا محتار و مش عارف اى مركز خدمة اقدر اثق فيه. شكراً مرة تانيه على مساعدتكم لىّ :) |
رد: Octavia A5 2006
انا رأى ان سعر العربيه لو بقى 90000 يبقى كويس
وتروح تغير الكومبيوتر فى الاقصى او مركز وهدان الى فى اكتوبر او العجوزه وبلاش الحرفيين فى موضوع الكومبيوتر |
| الساعة الآن 06:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017