|
مشكله فى اللانوس
اولا يا جماعه احب اشكر القائمين على الموقع ده فعلا اكتر من رائع وانا بصفتى مالك جديد لسياره استفدت منه جدا انا معايا لانوس 1 موديل سنة 2000 العربيه اشتريتها بحاله جيده المهم هى معايا بقالها سنه من اربع شهور كده لقيت العربيه تقيله فى السحب خصوصا على الاولانى عند الطلوع وكمان عند نقل السرعات من الاولانى للتانى بعد كده بتبقى تمام وخصوصا لو هديت علشان مطب وحبيت اخد التسارع تانى كان حد بيشد العربيه لورا ولازم احمل شوية على الدبرياج وازود بنزين لان العربيه بتبقى تقيله جدا ومش قادره تمشى لحد ما ترجع للتسارع الطبيعى تبقى تمام وكمان سمعت صوت طقه تحت لما اجى اطلع على الاولانى او التانى عند سرعه بطيئه المهم رحت لميكانيكى غيرت الفلاتر هوا بنزين وبوجيهات وغيرت قاعدتين للماتور وكان فيه زلطه فى قاعدة العربيه هى السبب فى التكه دى المهم العربيه فعلا بقت كويسه شهر واحد ورجعت كما كانت ومش عارف اعمل ايه انا بجد اتخنقت جدا وبفكر اخلص من العربيه بس ده اختيار صعب لان الحاله لا تسمح وعلى راى اللى بيقول انا حطيت كل اللى معايا فى العربيه دى وكان هدفى قلت اشترى عربيه موديل عالى شويه علشان ارتاح بس واضح ان المستعمل هو المستعمل اسف على الاطاله افيدونى افادكم الله
وشكرا على حسن استماعكم وسعة صدوركم |
رد: مشكله فى اللانوس
انا معايا لانوس 2010
لكن خبرتى قليله شويه معها لكن من تجارب سابقه مع الفيات - احتمال يكون اسطوانه دبرياج هيه اللى مأثرة على السحب شوف ميكانيكى يكون امين يكشفلك ع الديسك والاسطوانه . بالتوفيق ان شاءالله - وابقى طمنا |
رد: مشكله فى اللانوس
ياباشا ده اسطوانه وقطم دبرياج ودى حاجه عاديه وبعدها هتلاقى العربيه زى الفل
|
رد: مشكله فى اللانوس
اقتباس:
والله انا فى الاول فعلا شوفت ميكانيكى وهو اللى قالى الاسطوانه والديسك تمام احنا نغير السرفيس وقعد يدى العربيه غيار على التالت ويشد فرامل اليد وكانت العربيه بتطلع معاه ساعتها قالى الاسطوانه عزمها كويس لان لو ضعيف العربيه ما تشدش كده عموما هاشوف تانى وربنا يسهل وشكرا على الاهتمام للجميع |
رد: مشكله فى اللانوس
طقم الدبرياج عايز تعرف كويس ادى التالث وانت رافع فرامل اليد لو طفت بسرعه بيكون الطقم كويس لو رعشت ثم طفت يبقى عايز يتغير
|
| الساعة الآن 01:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017