مصر موتورز مجتمع السيارات - ارجوكم افيدونى اهل الخبره

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ارجوكم افيدونى اهل الخبره (https://www.masrmotors.com/vb/showthread.php?t=26047)

ارجوكم افيدونى اهل الخبره

:THE_PR~18:
السياره الماتركس 2010 قريبه من الارض بعد جلوس ثلاثة اشخاص فى المقعد الخلفى ام لا ؟
وما هو نوع الكاست الموجود بها و هل هو CD ام نوع ردئ ؟
هل الصاج ضعيف و قطع الغيار غاليه فى التوكيل؟
وما هى اهم شىء اكشف عليه من اهل الخبره عند استلام السياره
و اهم عيوب و مميزات الماتركس 2010؟
و جزاكم الله خيرا :CONGRA~238:

رد: ارجوكم افيدونى اهل الخبره

الف بمروك مقدما يا حاتم باشا
هو طبيعي اي عربيه تحمل فيها تلاته تهبط من ورا
بالنسبه للماتركيس عربيه محترمه جدا و موديلات الجديده كلها سي دي
قطع الغيار في التوكيل ماعنديش خلفيه عنها
بالنسبه عند الاستلام تتمم علي الكوريك و شنطه العده و الاستبن و الولاعه الاصليه للعربيه
و تبص علي العربيه كويس ما يبقاش فيها اي خدش او حكات
و تتمم علي التكييف شغال ولا لاء و اي اصوات طالعه من العربيه
و ربنا يملهالك بركه
ودي تجربتي مع الماتركيس
ممكن تقرأها و تعرف نظام العربيه ايه
http://www.masrmotors.com/vb/showthread.php?t=7376

رد: ارجوكم افيدونى اهل الخبره

اقتباس:

المشاركة الأصلية كتبت بواسطة حاتم سعيد (المشاركة 182278)

:THE_PR~18:
السياره الماتركس 2010 قريبه من الارض بعد جلوس ثلاثة اشخاص فى المقعد الخلفى ام لا ؟

من مميزات الماتريكس ان الاربع عجلات قريبين من بعض وبيرحوا الواحد في اخد المطبات عن تجربة وواسعه جدا من جوه ومش بتتاثر كتير بعدد الاشخاص الجالسين فيها

وما هو نوع الكاست الموجود بها و هل هو CD ام نوع ردئ ؟

كاسيت شرايط في الهاف اوبشن وسي دي في الفول اوبشن والكاسيت عمتا جميل وصوته نقي وبيعتمد في النهاية علي جودة ملف الصوت اللي حضرتك مسجله اذا كان علي شريط او علي سي دي

هل الصاج ضعيف و قطع الغيار غاليه فى التوكيل؟

كل العربيات اللي موجوده في مصر صاجها ضعيف وده طبعا علشان يخلي وزن العربية يخف وتبقي خفيفه معاك وربنا يسترها عليك وقطع غيارها غالية نوعا ما بس مش اوي يعني في الرنج المتوسط

وما هى اهم شىء اكشف عليه من اهل الخبره استلام السياره

اولا تبص علي عداد الكيلوات انه ميكونش معدي ال 50 كيلو وثانيا تكشف علي العربية اكنك هتشتري عربية مستعمله تبص علي الصاج بالكامل وعلي القوايم وتبص تحت العربية لتكون مخبوطه من تحت ولا حاجه وثبتدي تختبر انوار العربية والكاسيت والتكييف وتتاكد ان مفيش اي انوار منوره في التبلوه عندك زي لمبة الزيت او ال check او البطاريه وهكذا وهتستلم مع العربية الكتالوج بتاعها وكتالوج الكاسيت وضمان البطاريه وضمان الكاسيت وكوريك ومفتاح صليبه وعاده ومفتاح الكوريك ومفتاح العجل واستبن .

و اهم عيوب و مميزات الماتركس 2010؟

انا لما سوقتها كنت مخنوق شوية من ان وش العربية نازل لتحت ومخفي شويه وكمان ان عددات السرعه في وسط التبلوه ده العيبين اللي انا شوفتهم في العربية وربنا يديك خيرها ويكفيك شرها

و جزاكم الله خيرا :CONGRA~238:

نورت المنتدي واهلا بحضرتك معانا والف مبروك مقدما ومستنين تقرير من حضرتك عن العربية بعد الاستلام ان شاء الله وتقبل تحياتي

رد: ارجوكم افيدونى اهل الخبره

بالنسبه لورق العربيه
بتاخد صوره من الافراج الجمركي
و جواب موجه للمرور التابع له السياره علشان تعرف ترخص العربيه
الجواب بيتكلف حوالي 50 او 100 جنيه في الحدود دي

رد: ارجوكم افيدونى اهل الخبره

اشكركم جميعا على المرور و الرد وجزاكم الله خيرا و يشرفنى ان اكون عضوا فى هذا المنتدىptmnlo123per154ptm nlo123per154