مصر موتورز مجتمع السيارات - الميكانيكية الفتاييين

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - الميكانيكية الفتاييين (https://www.masrmotors.com/vb/showthread.php?t=25838)

الميكانيكية الفتاييين

ايه رأيكم ياجماعة كل واحد حصله موقف مع ميكانيكي مش فاهم حاجة وعامل نفسه دوكتور يحكيه
وانا هبدأ
لسة جايب العربية قولت اغير زيت الفتيس
فلازم الصاجة تتفك رحت للميكانيكي يفك الصاجة قالي
-ياباشا ملهاش لزمة تروح عند بتاع زيت ادينا فكينا الصاجة هنفك الطبة نفضي ونحط الزيت وخلصت
-وانا طبعاً قولت الدنيا سهلة ع الأخر غير يامعلم
تاني يوم لقيت عداد السرعة فصل
المعلم كسر الساعة اللي راكبة في علبة التروس
ptmnlo123per111

رد: الميكانيكية الفتاييين

فعلا موضوع جميل انا بردو ساعات بقابل ناس فتايين جداً.
أولاً دي كانت في لانسر 2004 .
مرة روحت اغسل العربية في البنزينة وقولت للراجل مدخلش مية على مفاتيح ازاز الكهرباء قالي يا باشا متقلقش انا هنضفلك الفرش من جوة واظبطهولك منغير ماتيجي مية على الزراير وبردو الغبي دخل مية وباظت المفاتيح الرئيسية في باب السواق وجبتها من الحرفيين ب350 جنية.
التانية دي كانت في كورسا 99 .
روحت اغير زيت وانا لسة شاريها المعلم قولتلو الفلتر عندك قالي متقلقش كل حاجة موجودة المهم نزل الزيت الي في العربية وبعدين جة يفك الفلتر لقاه كبس زي بتاع البي ام قالي لا انا كنت بحسبة عادي قولتلو حرام عليك وحطيت فيها زيت ال1000 كيلو لحد لما نزلت شارع دمشق جبت واحد بس كانت عاوز اموت الواد الي بيفتي دا.

رد: الميكانيكية الفتاييين

سبحان من صبرك يا ميمو باشا
المشكلة ان الميكانيكي من دول بعد ما بيبوظ يقولك
"بص ياباشا انت تاخد العربية وتطلع على فلان "
طب ما من الأول يا بن التييييتptmnlo123per163
يبوظ واحنا ندفع
ربنا يكفينا شر الفتايين
قول امين

رد: الميكانيكية الفتاييين

مع احترامى الشديد لكل الميكانيكية دول دورهم يقتصر فقط على تصليح الفيات القديم واى واحد معه عربية جديدة ويروح بها لميكانيكى لا يلومنا الا نفسه

رد: الميكانيكية الفتاييين

ان معاك ان مراكز الصيانة تمام وتستلم العربية وانت متطمن
بس مايكونش العطل عبيط
واروح مركز الصيانة ادفعلي 300 ع الأقل
يعني انا معايا كليو 2002
كالون الشنطة باظ مكانش بيسوجر
التوكيل هيقولي ركب جديد وهنجبهولك من برة بالسريل بتاعه عشان المفتاح وانت ممكن تتخيل كنت هدفع ثمن الكالون كام وتركيبه كام
انا روحت لبتاع ابواب اتكلف بتاع 15 جنيه
انما انا معاك لو هعمل حاجة كبيرة الغلط فيها يأثر في العربية لازم مركز صيانة