السلام عليكم ورحمة الله وبركاتة (سؤالي بخصوص بولو 98)
 

بعد بحث طال امامي الان بولو 1998 رشة برة وحالت الموتور كويس مش وحش 107 الف كيلو وتكييف
مطلوب 33 الف جنية .
1- ممكن اعرف السعر دة مناسب ولا لا ؟
2- ممكن اعرف اية اسعار قطع غيارها لو حتي سعر قطعة غيار او اتنين ؟
3- مواصفاتها كدة عربية كويسة ولا ادور علي حاجة افضل ؟
وشكرا علي مجهوداتكم

رد: السلام عليكم ورحمة الله وبركاتة (سؤالي بخصوص بولو 98)
 

مفيش حد يفيدني يا جماعة هنا ؟

رد: السلام عليكم ورحمة الله وبركاتة (سؤالي بخصوص بولو 98)
 

اتوكل على الله عربية ممتازة و السعر كويس جدا

رد: السلام عليكم ورحمة الله وبركاتة (سؤالي بخصوص بولو 98)
 

السعر حلو جدا لو حالة العربية نضيفة يعني فبريكة دواخل حالة الموتور لا تقل عن 70%العفشة بحالة جيدة ويفضل الكشف عليها عند حد متخصص في الفولكس واجن وربنا يوفقك للي فيه الخير وعند الشراء يرجي تغيير الزيوت (موتور وفتيس ) تغيير السيور (دينامو -كاتينة ) تغيير البوجيهات ومراجعة دورة التبريد وخصوصا ان احنا داخلين علي الصيف ويفضل عمل سجل للسيارة تكتب كل ماتم عمله من صيانات يالتاريخ والكيلو متر لانه هيساعدك في معرفة مواعيد الصيانة الدورية للحفاظ علي السيارة والحصول علي أفضل أداء منها

رد: السلام عليكم ورحمة الله وبركاتة (سؤالي بخصوص بولو 98)
 

انا بدور بردو على بولو يا شباب مفيش حد ادامة عربية حلوة وسعرها حلو ؟