مصر موتورز مجتمع السيارات - اختار انهى عربية؟

نا من محبى الفليشيا و قدامى سيارتين و محتار بينهم
و كنت محتاج نصيحتكم و خبراتكم

الاولى: فليشيا 95 glx
عاملة 100000
مغيره رفارف عشان كان فيها بارومة, مش راشة دواخل بس راشة برا
عفشة جيدة جدا, الكراسى لسة متنجدة و بكياسها
بسنتر - انذار- كاسيت و سماعات - زرار لفتح الشنطة من جوا - عداد rpm- زجاج كهرباء امامى
و لسة مغير المقصات و المساعدين ,مش عاملة حوادث ولا قالبة عداد و كمان بتمشى ببنزين 80.
الرخصية تنتهى نص 2011
السعر: 26

الثانية: فليشيا وش اكتافيا 98
عاملة 200000
فبريكة جوا و راشة نضافة برا, حالتها جيدة جدا
فاضية ,مش عاملة حادثة, الرخصة تخلص اخر السنة دى.
السعر: 29

انا محتار جدا عشان مش عارف ايه احسن , و كتير خوفونى من قطع غيار الفليشيا الجديدة عشان حولر انجكشن و ناس تقولى لأ احسن عشان بتوفر فى البنزين و بتاع بس بنزين 90 او 92 .
انا عارف انى كترت عليكم من الاخوة الاعزاء اساتذة المنتدى ينصحونى ايهم احسن
و ياريت حد يقولى ايه الفرق بين الكربيراتير و الانجكشن و ايه احسن؟