|
غيرت المقص الامامي للفيرنا
من حوالي اسبوعين كنت ماشي علي الدولي وكانت الدنيا كحل المهم ربنا رزقني بحجره كبيره علي الشمال وكنت ماشي علي ال100 وكانت علي طلعه كوبري خفت اخدها في نص العربيه لحسن تخبط في الكرتيره او الدربكس فحولت اهرب ليمين بس ملحقتش فخبطت العجله الشمال الحمد لله ربنا ستر وقدرت اسيطر علي العربيه
ركنت ونزلت اشوف الي حصل وفنفس اللحظه هيونداي اكسنت ونص نقل نفس الحكايه لقيت الجنط اتعوج وفرده الكوتش راحت في دهيه ركبت الاستبن لقيت العجله مفتوحه لبره ورجعت لوره حوالي 2 سم (رحلت من مكنها ) تاني يوم رحت لواحد بتاع عفشه كنت بتعامل معاه حل المقص وبص عليه وقلي حنستعدله قلتله ماشي استعدله علي قد ماقدر ورحت ظبط زوايا لقيت لسه في تاخير في العجله حوالي 1درجه علي الكمبيوتر وقالي متخفش مش حتاثر علي الكوتش بس انا عندي الهس هس في موضوع العربيه استنيت لما قبضت المرتب ورحت اشتري المقص لقيت فيه انواع ب125و175و225وده الاصلي زي الي راكب مركته MOBIS ولسه مغيره النهارده التاخير قل شويه يعني حوالي 0.5 سم المهم حبقي اروح اظبط زوايا تاني واشوف اي الموضوع ودي كانت حكيتي مع اول شيء اتغير في العربيه قلت احكيها للافاده |
رد: غيرت المقص الامامي للفيرنا
بسيطة وسهلة ان شاء الله ا / ايمن
و الحمد لله على كل حال وقدر الله وماشاء فعل واخى غير المقص الشمال فى عربيتة الفيرنا وكانت لسة عاملة تقريبا ً 7 الاف كم ولكنة غيرها ضمان لان المقص كانت فية مشكلة من الاساس وياريت حضرتك قبل ما تضبط زوايا تعمل ترصريص للكاوتشات وتطمن على الجنط اللى اتخبط ويفضل تخلية استبن او حتى على الاقل ترجعة فالعجلة الخلفية |
رد: غيرت المقص الامامي للفيرنا
شكرا علي المشاركه \ ميشو70
انا عربيتي 17000 كيلو يعني لسه بخصوص الترصيص انا بهتم بكل الحجات دي اصل انا عندي الهس هس بنسبه لعربيتي ومبسبش اي حاجه فيها بس هو لسه فيه ترحيل بسيط زي محكيت وده حبقي اشوفه مع ظبط الزوايا وشكرا تاني مره علي المشاركه |
رد: غيرت المقص الامامي للفيرنا
الف حمد لله على سلامتك والحمد لله إنها جت على قد كدة
وعموما ربنا يكرمك والفرق دة يروح بعد أمل تظبط الزوايا بس فعلا لازم تبص على الجنط وياريت تحاول تخليه إستبن |
رد: غيرت المقص الامامي للفيرنا
الحمد لله انها جت على قد كده
قدر الله وما شاء فعل |
| الساعة الآن 02:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017