مشكله في لانوس 2010
 

عربيتي شيفروليه لانوس 2010 و عامله 6000 كيلو بس ولسه عملها صيانه ال 5000 ومغير زيت موبيل (1 ) 10000 والمشكله كالاتي :
1- صوت الموتور عالي جدا حتي وهيه واقفه --- حد هايقوللي الكلام ده الصبح وانت بتسخن هايبقي طبيعي هارد واقول حتي لو مشيت بيها 50 كيلو ووقفت برده صوتها بيبقي عالي جدا زي العربيات النقل كده
2- صوت الموتور كمان بيعلي لما بغير من غيار لغيار وادوس بنزين علشان العربيه تاخد سرعه الغيار وبيكون الصوت علي هيئه ( شخير ) صوت خشن كده وكمان صوت الموتور بيعلي قوي اكتر من الطبيعي لدرجه اني مبتحملش صوته بعد rbm 2.5
3- دايما العربيه بتون تقيله جدا وبطيئه في الغيارات القليله زي الاول والتاني حتي وانا لوحدي والعربيه مش محمله وكمان بترجرج معايا في الغيار الاول عند التحرك من السكون بس في الثالث والرابع والخامس بتبقي تمام وكل ده كان برده بيحصل قبل ما أغير الزيت وبرده للعلم انا بستخدم بنزين 92 فقط
ارجو الافاده وشكرا

رد: مشكله في لانوس 2010
 

مش عايز اقوللك انه طبيعى
لازم على الاقل تقارن صوتها و نقلاتها بعربية زيها

رد: مشكله في لانوس 2010
 

طيب وصوت الموتور العالي وهيه واقفه وكمان الصوت الخشن في الغيارات وده بيبقي مصاحب لصوت الموتور العادي ايه رأي حضرتك فيه معن العلم اني سمعت صوت عربيات زيها كتير علي سبيل الثال التاكسيات بيبقي صوتها اهدي من كده

رد: مشكله في لانوس 2010
 

طيب فى التوكيل قالوا ايه فى صيانة ال 5000؟

رد: مشكله في لانوس 2010
 

ردوا عليه اكبر مهندسين في مصر والعالم العربي(تريقه طبعا) الي شغالين في فرع التوكيل في موبيل الطيران قالولي هو صوت اللانوس كده وعادي لدرجه ان كان في واحد واقف في التوكيل معاه نفس العربيه ومكانش عنده الصوت ده خالص والمهندسين الكبار يقولولي لا عادي زي مايكون عاوزين يقولولي هي مش ماشيه يبقي قشطه حلو كده علي قد فلوسك :) وبعدين قالولي اكشف عليها بالجهاز (الاسكانر)بس هو مش عندهم وموجود بس في فرع التوكيل في طريق مصر اسكندريه الصحراوي