|
باركولي و ادعولي
باركو لي يا جماعة
ربنا وفقني و جبت فيرنا ستار اوتوماتيك 2010 صحيح طلع عين اهلي على ما جبتها لأنها قليلة جدا و صحيح الراجل طمع في قرشين زيادة بس كله يهون علشان خاطر عيون الفيرنا عندي بقى سؤال دلوقتي انا ملاحط ملحوظة قافلاني اوي ان لوحة العدادات مافيهاش ترقيم الفتيس الأوتوماتيك N - D - P - R عارفينه دة ؟؟؟؟؟؟؟؟ تاني ملحوظة انا سامع صوت تزييقة خفيفة اوي في المساعدين من على الشمال من ورا هل دة علشان لسة المساعد جديد ولا اية الوضع بس بيني و بينكم فرق شاسع في الامكانيات مابينها و مابين الاكسيل اللي كانت معايا ربنا يقدرني على مصاريفها و شغلها بقى |
رد: باركولي و ادعولي
الف مبروك على العربية وربنا يديك خيرها ويكفيك شرها
موضوع بيان وضع الفتيس فالتابلوة ممكن حد يفيدك غيرى اما موضوع التذيق فالمساعدين فإن كان الصوت مثل تنفيس الهواء ( تسسس تسسس ) فدة طبيعى اما ان كان اى حاجة غير كدة فالموضوع بسيط جدا ً فأنت معاك العربية تمشى بيها 1000 كم وبعدها تروح التوكيل لعمل الصيانة الاولى وهى مجانا ً عدا الزيت والفلتر بتدفع ثمنهم وهناك تقولهم على كل ملاحظاتك وتسجلها بأمر الشغل مع مهندس الاستقبال وان شاء الله يظبطولك العربية وتبقى تمام وطالما العربية ماشية كويس يبقى استمتع بيها وعيش واى سؤال يجى فى دماغك اسأل وهتلاقى جواب ان شاء الله عند الاخوة ملاك العربية والف مبروك مرة اخرى |
رد: باركولي و ادعولي
الف مبروك يا باشا وربنا يبارك لك فيها
|
رد: باركولي و ادعولي
الف مبروك
بجد اختيار موفق ربنا يباركلك فيها |
رد: باركولي و ادعولي
صح نسيت
هنستنى تقييم للعربية ان شاء الله ومبروك مرة تانية |
| الساعة الآن 05:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017