مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   متسوبيشى Mitsubishi (https://www.masrmotors.com/vb/forumdisplay.php?f=29)
-   -   الي كل منتقدي الميتسوبيشي المكواة لضعف محركها (https://www.masrmotors.com/vb/showthread.php?t=24477)

shooter123 22-04-2010 11:01 AM

الي كل منتقدي الميتسوبيشي المكواة لضعف محركها
 
انا شفت هنا ناس كتيرة بتقول علي المكواة ضعيفة لان موتورها 1300 وخصوصا لما تبقي اوتوماتيك ويلهوي بقي لو شغلت التكييف
بصراحة انا العربية معايا زي الفل داخل المدينة سواء بالتكييف او بدون
لكن امبارح وانا راجع من القاهرة كنت بالليل يعني مفيش ردار وانتوا عارفين بقي يعني ايه مفيش ردار
مسكت واحد باوبل استرا سخنته واديته دروس في كيفية لعب اندر جراوند علي الزراعي وانا موتوري 1300 وهو 1600 وسمعت صوت موتوره وعرفت انه مانويل يعني المفروض يحرق عني كمان لاني انا اوتوماتيك
وكنت بهدي لما افرق منه عشان استناه
المهم بعد ما الواد اتعقد في عيشته مشفنيش تاني فتحت انا بقي 140 والعربية والله قمة في الثبات والهدوء بسبب العزل الداخلي ومراتي كانت جنبي مكنتش بتحس بالسرعه بس كانت بتحس بالغرز
وطبعا عشان ربنا مبيسبش بعتلي واحد بمازدا 3 عقدنيptmnlo123per172
خلاصة التجربة
العربية مظلومة من ناس كتير لمجرد انها 1300 سي سي واللي يقولك ده انت لو شغلت التكييف حتبقي راكب بطة بلدي
وللعلم وانا رايح كنا الصبح ومشغل التكييف بس للاسف كان في ردار يعني اخري كان 90 زراعي بقي ptmnlo123per111
يمكن الناس اللي جربت العربية كانت تجربهم بعربية حالاتها مش ولا بد فحكموا عليها حكم ظاااااااااااااااااااااااا اااااااااالم
انا مش متحيز عشان هي عربيتي بس دي تجربة واقعية حبيت انقلها لاصحابي هنا علي المنتدي
واسف علي الاطالة

medo akef 22-04-2010 11:36 AM

رد: الي كل منتقدي الميتسوبيشي المكواة لضعف محركها
 
يا مان انا معايا بومه 1.3 اوتو يعني اتقل من المكوه طبعا و مفيش مشكله يعني بوصل ل 150 و ال160 عادي و انا الي بهدي و ثبات و هدوء زي الفل
الحوار كله في ان التجميع طبعا ابطء من ال1600 يعني متمفعشي ريسس و التكييف لما بتعمله علي 3 مثلا بيأثر علي الموتور لكن لو انت قرصت شويه خليته ينقل عند 4000rbm ولا حاجه عادي العربيه هتجمع و زي الفل
بس الموضوع كله انها اقل من ال1600 ولكن هي ممتازه بالنسبه ل1300 حد يطول عربيه 1300 90 حصان و كمان في بادي لانسر
بس علي فكره بتاع الاسترا دا مش سواق لانه كان المفروض يحطمك انت و المزدا 3 كمان دا اوبل الالمانيه يعني زي ما بقول الماني يعني no top speed

shooter123 22-04-2010 11:56 AM

رد: الي كل منتقدي الميتسوبيشي المكواة لضعف محركها
 
والله كلامك كله صح يا ميدو بس انت لو دورت هنا في المنتدي بتاعنا حتلاقي ناس كتيييير بتنتقد اللانسر المكواة بسبب ضعف موتورها فحبيت انقل تجربتي عشان الناس تعرف الحقيقة
اما بالنسبة لسواق الاوبل فنفس رايك انا قلته والله بس مكنش يقدر يسد مع المازدا 3 بجد الواد كان شادد جامد وبيرمي فردتين علي الترابة علي اليمين يعني طاير ومسلك طريقة فمكنش ينفع حد يسد معاه اصلا غير جيتا او اوكتافيا او فيكترا علي الاقل
وشكرا لردك يا باشا

medo akef 22-04-2010 12:36 PM

رد: الي كل منتقدي الميتسوبيشي المكواة لضعف محركها
 
اقتباس:

المشاركة الأصلية كتبت بواسطة shooter123 (المشاركة 169124)
والله كلامك كله صح يا ميدو بس انت لو دورت هنا في المنتدي بتاعنا حتلاقي ناس كتيييير بتنتقد اللانسر المكواة بسبب ضعف موتورها فحبيت انقل تجربتي عشان الناس تعرف الحقيقة
اما بالنسبة لسواق الاوبل فنفس رايك انا قلته والله بس مكنش يقدر يسد مع المازدا 3 بجد الواد كان شادد جامد وبيرمي فردتين علي الترابة علي اليمين يعني طاير ومسلك طريقة فمكنش ينفع حد يسد معاه اصلا غير جيتا او اوكتافيا او فيكترا علي الاقل
وشكرا لردك يا باشا

سيبك من كلام الناس الي عاوز يقول يقول بس هو الي معاه ال1600 فعلا بيحس بعجز ال1300 دا حتي لما ان جربت ال1600 و برجع وره و العربيه كانت اوتو العربيه فركت جامد عشان اتكيت سنين زياده
علي فكره يا مان الاوكتفيا و الجتا عربيات فخامه مش جري يعني انا و انت نطلع منهم اصلا لانهم 1600 و البدي تقيل عليهم اوي و حتي علي السرعه مش بيجمعو سرعات عاليه
لاكن الفكترا طبعا جباره و الانسترا تحفه يا مان و زي ما انت قلت بتاع المزدا كان بيجري جامد لكن بتاع الكورسي لو كان سواق و قرص علي المكنه هيقفل عداده:HAPPY_~211:

shooter123 22-04-2010 01:27 PM

رد: الي كل منتقدي الميتسوبيشي المكواة لضعف محركها
 
تعرف يا ميدو انا اول ما نويت اجيب عربية كنت عايز اجيب اوبل فيكترا 2000 سي سي كاملة والاوتوماتيك كان شرط اساسي في اي عربية حشتريها
المهم
وبدات رحلة البحث وفعلا لقيت عربيات حلوة كتيرة ولكن لما الفلوس كملت ونزلت اخلص لقيت نفسي بتشد للانسر مش عارف والله لحد دلوقتي ازاي اتشديت لها مع انها كانت بعيدة عن اختيارتي
ويشاء ربنا اني ابن عمي يشتري اوبل فيكترا وطبعا اخدتها منه لتجربة قيادة وده بعد ما انا اشتريت اللانسر وسقتها حسيت انها قوية فعلا ولكن نشفة جدا جدا مقارنة بنعومة واستجابة الياباني المعروفة
ومتشكر جدا علي ردك


الساعة الآن 01:45 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017