مش عرفين اخرتها اية
 

تعمل وزارة الداخلية حالياً على تطوير وسائل ضبط السيارات المخالفة عبر إدخال أنظمة تكنولوجية تعمل أتوماتيكياً.

السلام عليكم
انا جيبتلكم التقرير دة من موقع كنتك كار
بجد تقرير مستفز لما تقراو التقرير دة حد يقولى النمر الجديدة لزمتها اية ptmnlo123per111

حيث كشف اللواء شريف جمعة مساعد أول وزير الداخلية للشرطة المتخصصة عن إعداد الوزارة لدراسة سيجري تنفيذها حالياً وتتركزعلى وضع "إستيكر" إليكترونى على كل سيارة يحتوى على بياناتها، حسب صحيفة "اليوم السابع" يوم الاثنين.

وأشار جمعة إلى أن هذا "الإستيكر" سيساهم في قراءة كل بيانات السيارات خلال مرورها بالأكمنة الموجودة على الطرق وذلك لضبط السيارات المخالفة.

وأكد جمعة خلال إجتماع لجنة الدفاع والأمن القومي بمجلس الشعب برئاسة اللواء فاروق طه أن الإختناقات المرورية التي تشهدها الشوارع والطرق الرئيسية وعشوائية بعض مواقف الميكروباصات مشكلة هامة ونسعى إلى حلها لافتاً على قيام الوزارة بدراسة المشكلات والسلبيات للوصول على حلول عملية فيها.

وأوضح أن قرار رئيس الوزراء بربط وسائل النقل داخل منظومة واحدة يهدف إلى تحقيق التكامل بينهما، مشدداً على ضرورة التوسع في إنشاء الجراجات، وذلك للقضاء على أزمة الصف الثاني بالشوارع، ومراعاة الاستفادة من تجارب الدول المجاورة في مجال إنشاء الجراجات الإلكترونية.

ptmnlo123per1106

رد: مش عرفين اخرتها اية
 

عشان حضرتك لما تروح ترخص العربيه تدفع 130ج رسوم النمر الجديده
وكمان زيهم رسوم الاستيكر
امال يعنى الوزارة هتصرف منين !!!!!!!!!!!!!! انت غريب اوى ياراجل

وبعدين مش لما يربطوا كل حاجه الاول بالرقم القومى يبقوا يفكروا يربطوا وسائل النقل داخل منظومة واحده .
ياعم قول ياباسط وماتفكرناش بقى

رد: مش عرفين اخرتها اية
 

فعلا معاك حق يا استاز بندارى
الواحد بجد كرة العربة بسبب المرور
قالو النمر الجديدة انها متبرمجة على الكمبيوتر وعليها بينات صاحب العربية ان فى جهاز ها يبقى مع الظباط يقراء بينات العربية ولو خالفت السرعة ها تتمسك على طول علشان متمغنطة دى حتى فى مرور اوسيم والهى العظيم لما تيجى تستلم النمر الجديدة مبيدهالكش بيديها لمندوب فى المرور هوة كمان الى يركبها ولما سئلت الولى ان ممنوع امسكهم
ودلوقتى عاوزين يعملو استكر ومشعرفين بكرة ها يعملو اية

رد: مش عرفين اخرتها اية
 

كل دة كلام جميل وزى الفل ولا غبار علية وانا اتفق معاة وبشدة ولكن

* عندما نصبح عرضة لعسكرى مرور مرتشى كل همة الحصول على جوز جنيهات
* " " " لامين شرطة يطلب منك بكل بجاحة العيدية
* " " " لضابط يتصيد الاخطاء ويكون الكمين عبارة عن شرك او فخ ليس للمخالفين بل للأمنين
* عندما تسحب الرخصة وتدفع غرامة رادار وانت لم تتجاوز 80 كم / س مع ان السرعة المسموح بها 90 كم / س وعندما اصريت انى لست مخالف وطلبت مشاهدة صورة الرادار لان الضابط قلى " انت متصور رادار " يكون رد الضابط
" روح اشتكى لوزير الداخلية "
* عندما تسحب الرخصة فى احد الكمائن على الصحراوى الغربى طريق (القاهرة - اسيوط ) ولما تسأل الضابط عن السبب فيقول بالحرف " انا ناوى .... الشعب وهلم كل الرخص اللى بتعدى على ويقولك انت راجل محترم وعلشان كدة هأعملك اخف مخالفة هى الدخول على الكمين برعونة " ويعملها فعلا ً لانة منقول من عملة الاصلى ومغضوب علية بوضعة بهذا المكان
* ودة طبعا ً خلاف المعاناة اثناء تجديد الرخصة وما فيها
* وبعد كل دة تلاقى مخالفات تصل الى الاف الجنيهات اثناء تجديد الرخصة
ياااااااااااااااة الموضوع كبيييييير

رد: مش عرفين اخرتها اية