|
لهذا السبب اخترت التوكيل والضمان !
السياره معى منذ 4 شهور ! قدتها فعليآ شهرين و الحكومه شهرين
اللى بأسافرهم ! و عملت حتى الآن 5750 كم ! عملت صيانة الآاف على 1750 كم ! ويوم الخميس الماضى قلت أروح أغسلها فى محطة الوطنيه لوجود أتربه كثيره على الموتور من الآجواء المتربه ! وأثناء الغسيل ! فوجئت أنه ليس عندهم غسيل فوم أو تنظيف جاف للموتور ! ورغم أن السياره نظيفه ! قلت نظافه على نظافه والنظافه من الايمان ! والشاب اللى بيغسل بمسدس الماء ذو الظغط العالى قعد يكحت فيها من تحت علشان ينزل طين ! بس ما فيش ! المهم دفعت المعلوم وبعدها بساعتين فوجئت بلمبة ال ABS منوره و مدوره أعوذ بالله من الشيطان الرجيم ! قلت جايز شوية ميه ولما ينشفوا كل شىء يرجع كما كان ! ولم ألاحظ أى تغيير على حساسية الفرامل اللى كانت من أصله واطيه شويه بس مش قوى ! مساء على الساعه 11 انطفأت اللمبه ولكنى قلت لابد أن أذهب الى التوكيل ليكشفوا عليها ! وذهبت لفرع روكسى الساعه 8 صباحآ وبعد انتظار للساعه 12 ظهرآ ولم يكلمنى أى شخص ! ذهبت للمهندس المسئول والذى قال لى ان فيه سنسور لازم يتغير و ح نجيبه من المركز الرئيسى وبالمره نعمل لك Upgrade لل ABS بس السياره لازم تبات معانا النهارده ! قلت له ما يخالف وبم ان فيه فترة انتظار ياريت تغسلو لى الموتور و تركبوا لى انذار ! و قد كان وتانى يوم الساعه 3 عصرآ اتصلو بى وقالو لى السياره جاهزه و تم تغيير سنسور والصره الخلفيه للعجله الشمال وعمل تطوير للسوفت وير بتاع الفرامل و ده مجانآ وتم غسيل الموتور ب 26 ج وتركيب الانذار ب 600 ج ( ولاد اللذين ) ! واستلمت السياره والموتور شكله أصبح زى الفل والانذار تمام بلمبه زرقاء على التابلوه بس لا يشمل الشنطه ! لآن الشنطه تفتح من الداخل فقط وليس لها مكان مفتاح ! ملحوظه : لم أذكر لهم طبعآ حكاية غسيل السياره فى الوطنيه ولا أعلم اذا كان العيب ده بسبب الغسيل أم انه كان موجود قبل ذلك وأنا موش حاسس بيه ! الخلاصه : الضمان مهم جدآ والناس بصراحه معاملتهم جيده بالرغم من انى لم أرى شيئآ تغير أمامى ! بس الفرامل عليت وأصبحت أكثر حساسيه ! وآسف على التطويل ! Dr. Bolbolan ptmnlo123per122 |
رد: لهذا السبب اخترت التوكيل والضمان !
يا دكتور ربنا يبارك لك فيها كمان وكمان وكمان
|
رد: لهذا السبب اخترت التوكيل والضمان !
اتفق مع حضرتك تماما ً فى موضوع أن الضمان عالعربية مهم جدا ً بالرغم من أنى ادعوا الله أن لا احتاج الية ابدا ً وان كنت استفدت بتغيير كلاكس عالضمان وقبل التغيير قلى المهندس " هنشوف الاول ان كان حد تسبب فكونة عطل او مية دخلت لية " يعنى همة مش بيغيروا بدون معرفة السبب
وربنا سترها علينا جميعا ً |
رد: لهذا السبب اخترت التوكيل والضمان !
اقتباس:
جزاك الله خيراً يا دكتور على نقل التجربة التى حسمت التفكير لدى إن شاء الله أشتريها وكيل مش خليجى |
رد: لهذا السبب اخترت التوكيل والضمان !
كلامك كله صح يا دكتور فعلا الواحد يجيب عربية ليها ضمان وتوكيل حتي ولو كانت امكانيتها اقل من الخليجي والسعودي وسعرها اعلي لكن بردك انتا ضامن ان لو لا قدر الله في اي حاجه هتلاقي ساعتها واحد فاهم بيشتغل في العربية وتقبل تحياتي يا دكتور عبدالسلام
|
| الساعة الآن 05:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017