|
أشتري فيرنا ستار 2010 ولا لانوس 2010
|
رد: أشتري فيرنا ستار 2010 ولا لانوس 2010
الفيرنا افضل لك بكتير من الانوس
لان الانوس العفشه بتاعتها ضعيفه وخفيفه وسحبها مش حلو خالص وكمان شكلها مش اد كده ده غير ان خدمة ومعاملة الوكيل بتاعها للعملا زى الزفت زى ما تكون بتشحت منهم لكن الفيرنا اجمل فى الشكل وقطع الغيار رخيصه وماسكه نفسها والتوكيل 10/10 وسعرها اقل وافضل تقبل مرورى |
رد: أشتري فيرنا ستار 2010 ولا لانوس 2010
اقتباس:
ياجماعة مقارنه الفيرنا واللانوس اعتقد انها قتلت بحثا وفى الاخر هى مساله ازواق أكيد كل مالك سيارة مقتنع بيها والا ما كان اشتراها ومفيش شئ فى الوجود بدون مميزات وعيوب وعلى فكرة بقى : اللانوس سحبها زى الفل (بيقل طبعا فى حالة تشغيل التكييف مثل اى عربيه ) وشكلها جميل داخلى وخارجى وصيانتها سهله وقطع غيار رخيصة عند البقال من 1998وسعر اعاده بيعها من افضل الماركات فى مصر .(( بالعند فيك يا بيستوووو -- باهزر ياعم )):HAPPY_~211: الى الاخ صاحب الموضوع : من فضلك راجع مشاراكاتى فى منتدى الشفروليه - ستجد شرح كامل لمميزات وعيوب اللانوس |
رد: أشتري فيرنا ستار 2010 ولا لانوس 2010
له بس يا بيستو تزعل ابو مروان منك هتخليه ينزل لعنته علي الفيرنا وعموما يا سيدي الفيرانا ليها مميزات وليها عيوب وكذلك الانوس ولكن الفيرنا 1600 سي سي والانوس 1500 سي سي تشغيل التكييف في الفيرنا تاثيره اقل بكتير علي الماتور من الانوس نظرا لكبر سعة الماتور وكمان الفيرنا عفشتها جميله مش طريه زي الانوس تلاقيها في السفر مراجيح لكن الانوس افضل من الفيرنا في انها اعلي شوية من الفيرنا وده ميزه وعيب ميزه داخل البلد وعيب في الخارج نتيجة ضعف الثبات وكمان الشكل العام الانوس يوم ما فكرت تغير من نفسها شالت شعار الدايو وحطت شعار الشيفورليه بس وكمان غيرت الفوانيس الخلفية علشان يبقي الواحد اداها حقها لكن الفيرنا غيرت في الشكل كاكماليات والماتور من 1500 الي 1600 ومش هقدر اعملك حصر لكل اللي اتغير في الفيرنا بس اللي هقدر اقوله شكل الفيرنا الخارجي من وجهة نظري اجمل من الانوس لكن الانوس قعدتها من جوه واسعه شويه عن الفيرنا مع اني مش مقتنع اوي لان لما بكون منتظر حد وانا في العربيه بقعد علي الكنبه الخلفيه ومش ضيقه اوي يعني بس شنطتها اكبر من الانوس
|
رد: أشتري فيرنا ستار 2010 ولا لانوس 2010
ايييييه يا جدعان انا قولت رايى وده مش معناه انى مش بحب لانوس
لا طبعا هى عربيه محترمه وحلوه وكل حاجه بس الفيرنا من وجهة نظرى افضل منها والاختلاف فى الراى لا يفسد للود قضيه وده كان رايي وبس ههههههههههههههههههههههههه هههههههههههه |
| الساعة الآن 02:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017