كان نفسى اقول له متفاديش القرطاس
 

كنت امبارح مسافر على الصحراوى من الاسكندرية الصبح و فى النص تقريبا و قفوا الطريق 5 دقائق لغاية لما الوزير يعدى
(حتى فى ناس كانت بتقول حيوقفونا ربع ساعة على الاقل بس فعلا مكملتش 6 دقايق )

المهم و ده الى عايز احذر منه علشان معظم الحوادث بتحصل نتيجة للموود النفسى للناس كلها بعد ما الطريق يفتح كله بيتخيل انه المفروض يسبق و حيوصل الاول فرصة قبل ما الباقيين يجيبوا ال 200 كم /س زيه

و فعلا لما الطريق فتح الناس كلها جريت فبرضوا كله بقى جنب بعضه و الطريق مغرى لانها كانت حتة جديدة
المهم كنت انا فى الحارة الشمال و كنت ماشى على 80 تقريبا (لانوس) و ورايا سيفك 92 تقريبا ماشى نفس السرعة
كان كله ماشى نفس السرعة

و الطريق كان بيدور يمين شوية و فجأه لقيت الى قدامى دخل يمين فجاه و بقى فى صف قراطيس حمرا ( بطول الحارة ) على بعد حوالى 20 متر فنص الحارة بتاعتى ملحقتش ابص فى المرايا فقررت اخبط اول قرطاس و انا ببص فى المرايا اليمين و بدخل يمين بشوشيش و الحمد لله حفيت فيه

المهم السيفك فداه فالعربية اختل توازنها و الحمد لله لمها تانى و مخبطش فى حد جنبه

فانا بانصح الناس ان يبقى فيه تقدير لضرر اقل من ضرر اخر
يعنى اخبط قرطاس و لا انك تحود فجأه و ممكن تخبط فى تريلا مثلا لا قدر الله

بس انا احترمت السيفك كانت لازقة فى الارض
مش كل العربيات واطية بالعكس الناس بتفضل تجييب العالى علشان المطبات
فمركز ثقل السيفك قريب من الارض و صعب جدا تتقلب بس عربيات تانية كتير جدا لو كان حصلها الى انا شفته فى المرايا كانت اتقلبت ( طبعا الانوس و معظم ال SUV ......و العالى عموما )


نصيحة للقائمين على وضع القراطيس
ابدأ اول قرطاس لازق فى السور و الى وراه يميل شوية و هكذا تدريجيا لغاية لما تحجز العرض الى انت عايزه
لانكم ممكن تموتوا و انتوا شغالين

رد: كان نفسى اقول له متفاديش القرطاس
 

قدر الله و ما شاء فعل
و حمد الله علي سلامتك
تصرف حكيم فعلا و انقذت نفسك و اللي حواليك

رد: كان نفسى اقول له متفاديش القرطاس
 

رد: كان نفسى اقول له متفاديش القرطاس
 

رد: كان نفسى اقول له متفاديش القرطاس
 

حمدا لله علي سلامتك و القراطيس دي و الله ياما خضتني علي الطريق