مصر موتورز مجتمع السيارات - BYD تطلق اول SUV وهى S6

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - BYD تطلق اول SUV وهى S6 (https://www.masrmotors.com/vb/showthread.php?t=23218)

BYD تطلق اول SUV وهى S6

http://indianautosblog.com/wp-conten...Lexus-350S.jpg

BYD S6

سوف تطلق BYD الصينية اول سيارة SUV لها خلال 2010

http://www.byd-auto.net/medias/image...olors/gold.png
وكما نلاحظ شبه الملحوظ للسيارة مع Lexus RX300

https://upload.wikimedia.org/wikiped...X300_front.JPG

الابعاد الخارجية للسيارة

الطول 4740 مم

العرض 1845 مم

الارتفاع 1635 مم

----------------------

متوقع نزول السيارة بفئتين للمحرك

الاولى

محرك متسوبيشى 4g69

سعته 2400 سى سى

يولد 160حصان عند 5800rpm

واقصى عزم له 215 نيوتن متر عند 3500-4500rpm

المحرك الثانى

من تصميم BYD

سعته 2000 سى سى

يولد 140 حصان عند 6000rpm

اقصى عزم له 186 نيوتن متر عند 4000-4500rpm

ناقل الحركة لفئتي المحرك مانيول من 5 سرعات

السيارة مجهزة بفتحة سقف كهربائية وفتح الشنطة كهربيا

رد: BYD تطلق اول SUV وهى S6

تسلم يا استاذ بدر علي المعلومات ديه وتقبل تحياتي بس شكلها فعلا جميل فيه اخبار عن سعرها وهل نزلت مصر ولا لسه

رد: BYD تطلق اول SUV وهى S6

اقتباس:

المشاركة الأصلية كتبت بواسطة corsair (المشاركة 158974)

تسلم يا استاذ بدر علي المعلومات ديه وتقبل تحياتي بس شكلها فعلا جميل فيه اخبار عن سعرها وهل نزلت مصر ولا لسه

اضم صوتى مع القرصان بلدياتى لاستاذنا الطيب بدر بسيونى فى الشكر والتساؤل هى العربية الحقيقة جميلة جدا والشئ الوحيد الذى لا يعجبنى فى السيارة فقط الشبكة الامامية ولكن يااخى العزيز من التطلع على قناة MOTORI TV اجد تغيير جذرى فى صناعة هذه السيارات فى اوربا فمعظم هذه السيارات SUV سواء اودى او بى ام دبليو او غيره تنتج الان بمواتير تيربو ديزل وذلك للحصول على سعة لترية عالية مع قوة جبارة لتحريك سيارة كبيرة وبتكلفة اقل مع تحديث نوع الفتيس منتجات ال BYD منتجات محترمة ولكن لا اعرف لماذا لا يتبنوا الفكر الاوربى الحديث اقل سعة لترية لتحريك سيارة مثل هذه بالراحة هى ال 2400 سى سى وبالتالى لوواحد مثل corsair القرصان لو اراد ان يذهب من مغاغة الى القاهرة عن طريق الصحراوى الغربى وهو اصلا بيسوق الفيرنا على 200 كم لو السيارة بنزين يعنى هايصرف بالراحة 40 لتر بنزين وده الحقيقة تكلفة عالية جداوشكرا جزيلا على الخبر والعرض والصور

رد: BYD تطلق اول SUV وهى S6

اقتباس:

المشاركة الأصلية كتبت بواسطة elmanahry (المشاركة 158987)

اولا ازاى حضرتكم دكتور المناهرى ويارب تكون بخير

بالنسبة للشبكة انطباعى برضه انها رخيصة مش متناسقة مع العربية اللى شكلها جميل فعلا

السوق الاوربى مر بمرحلة النضج فى صنع السيارات فى حين الصين مازلت تحبى كطفل فمقارنة الاثنين حتكون صعبة وكمان الصين ماعندهاش الفكر الناضج فى الصناعة على عكس الالمان مثلا وكمان الصينيون فى مرحلة الانتشار التى تسبق النضج

ولفترة طويلة جايه حتبقى الصين تابعة لللمان والاوربيو ن عموما بحكم الخبر ة وده لايعيب الصين بالعكس الذكى اللى يتعلم مش اللى يتفرج

وفعليا انا متفق مع حضرتك فى ان مصر لاتتناسب مع مواتير اكبر من 2000 سى سى باى حال من الاحوال ححتاج ى2400 او 3000 سى سى فين فى الزحمة بتاعتنا

فالصين عاوزة تركب الغلابة عربيات اس يو فى رخيصة للى مش قادر يجيب شيروكى ولا لاندكروزر

رد: BYD تطلق اول SUV وهى S6

اقتباس:

المشاركة الأصلية كتبت بواسطة corsair (المشاركة 158974)

تسلم يا استاذ بدر علي المعلومات ديه وتقبل تحياتي بس شكلها فعلا جميل فيه اخبار عن سعرها وهل نزلت مصر ولا لسه

العربية لسه مانزلتش بره بس متوقع فى 2010 يعنى ممكن على اخر السنة دى او 2011 وعليك خير وبالنسبة للسعر توقعى فوق ال120 الف لحد 150 الف وشكرا ليك