مصر موتورز مجتمع السيارات - استفسار عن هوندا سيفيك مو90 و 91 ياريت حد يفدني ضروري ؟

مصر موتورز مجتمع السيارات (https://www.masrmotors.com/vb/index.php)

- هوندا Honda (https://www.masrmotors.com/vb/forumdisplay.php?f=31)

استفسار عن هوندا سيفيك مو90 و 91 ياريت حد يفدني ضروري ؟

يا اهلا بشباب الهوندا :HAPPY_~211: انا محتاج مساعدتكم ضروري لاني عمري ما ركبت هوندا سيفيك خالص وكان عندنا تويوتا 94 فانا عايز اسأل على الموديل ال 90 و ال 91

لان معروض علي اخويا سياره هوندا سيفيك موديل 1990 دواخل فابريكه وكامله 1600 مانيول والحاله العامه للسياره جيدة وليست ممتازة ياعني محتاجة مصاريف .

وكنت عاوز اعرف :

1- سعرها كام في السوق الايام دي ؟
2- عيوبها ومميزاتها ؟
3- اسعار قطع غيارها ؟
4- اية هي الفئات المختلفة الي فيها ياعني اسمع عن si , sir ,exi يا تري اية الفرق ؟

وياريت يا شباب لو اي تفاصيل او معلومات يبقي كتر الف خيركم .

رد: استفسار عن هوندا سيفيك مو90 و 91 ياريت حد يفدني ضروري ؟

عربية حلوة جدا
(كان معايا واحدة فبريكة جدا جدا موديل 88 و برضه 1600 مانيوال و بصراحة عمري مازعلت منها)

أعتقد أن سعرها الان في اوائل الثلاثينات حسب الحالة و الكماليات ( تكييف شغال و لا لأ و فتحة السقف و الزجاج هل كله كهرباء و كمان هل الصالون فبريكة و حاجات كثيرة جدا ) اعتقد أن هذه العوامل ممكن تؤثر العلي السعر ليتارجح من 30 الي 34 الف و ده كله طبعا علي اعتبار أن الموتور و البودي و العفشة حالتهم من جيدة الي جيدة جدا

من أكثر المميزات (قوة الاداء ptmnlo123per154- الثبات الكبير جدا عند المنعطفات و الصالون الانيق الكبير و الشنطة الكبيرة )

عيوبها ( بنزين كثير حبتين ) "بس انا كنت مقطع الدنيا جري و ده طبعا لوحده بيستهلك بنزين " و قطع غيارها اغلي حبتين من بااني بس بتعيش فترة طويلة جدا و أنا عن تجربة طويلة مع الهوندا 3 سيارات كل سيارة تقريبا سنتين أقدر أقولك انني تقريبا ماصرفتش عليهم أكثر من قطع الغيار التقليدية جدا ( بوجيهات - تيل - طلمبة مياه - و مرة واحدة فقط مساعدين و طقم شنبر لعربية منهم كانت سيفيك 82 و كنت عاملهم بمزاجي "نزاهه":HAPPY_~211:.. .. )
أسعار قطع الغيار ( مساعدين أمامي أو خلفي 550 - 600 ج الزوج - طقم الصباب 200 ج - تيل امامي من 70 الي 120 ج حسب النوع - طنابير خلفي الواحدة 200 ج - بلي عجل خلفي (طقم) 200 ج - بلي امامي اعتقد برضه في نفس السعر - طقم جوان و اويلات كامل 220 - 250 ج ،،،،، و الافضل انك تروح تسأل بنفسك عن الاسعار عند اقرب محل بيع قطع غيار هوندا لانني بصراحة مش فاكر قوي

الفئات المختلفة اعتقد أنه فيه EX ودي اعلي فئة و لو انجكشن هيكون اسمها EXI و الفئة اللي اقل منها شوية هي ELولو انجكشن هتكون ELIلان باقي المسميات SI و SIR هم للموديلات اللي اعلي من كده و الفارق هيكون في الكماليات ( مرايات كهرباء - قطمة دركسيون متحركة - تعديل مستوي كرسي السواق فوق و تحت - مسند يد في الكنبة الخلفية - عدد احزمة الامان - فتحة السقف - الزجاج الكهرباء)

ونصيحة لوجه الله العربيات دي ما تتركبش الا لو كانت سليمه ptmnlo123per16و ما تفكرش تشتري و توضب

رد: استفسار عن هوندا سيفيك مو90 و 91 ياريت حد يفدني ضروري ؟

يا جماعه انا هشترى هوندا سيفك 91 يا ريت تقولولى رأيكو فيها

رد: استفسار عن هوندا سيفيك مو90 و 91 ياريت حد يفدني ضروري ؟

محتار اشترى لانسر كريستاله ولا سيفيك 96 ولا لانوس
ارجو المساعده عن العيوب والمميزات ورينج الاسعار
وجزاكم الله خيرا

رد: استفسار عن هوندا سيفيك مو90 و 91 ياريت حد يفدني ضروري ؟

اللي عايز قطع غيار ليها عندي محل لقطع غيارها للهوندا و انا في الخدمه

33443061 الشركه الاسلاميه (البخاري)
01223729763