|
قررت ان شاء الله ان اشترى فيرنا استار
انا (واعوزه بالله من قولت انا) قررت ان شاء الله ان اشترى فيرنا استار
وعاوز اعرف ايه اللى بيجى معها وتكلفة الترخيص وهل ينفع اعمل 3 سنين او اكتر واسعرهم؟ وعاوز اعرف تكلفة قطع الغيار؟ وعاوز امتى اعمل الصيانة؟ |
رد: استفسار
ربنا يوفقك ان شاء الله وعربية فعلا التعديلات اللي فيها جميلة جدا وخلت شكلها احلي بكتير وعلي العموم ربنا يديك خيرها ويكفيك شرها وبالنسبة لموضوع المرور لو العربية هتجيبها تقسيط يبقي مش هينفع ترخص 3 سنين لازم ترخص كل سنة ولو كاش اقصي حد للترخيص بيكون 3 سنين وقطع غيارها مش غالية ومش اقل من 5 سنين علي العربية علشان العربية تطلب قطع غيار وبالنسبة لموضوع الاستلام انتا هتستلم طبعا كتالوج العربية وكويك واستبن وكاسيت سيدي و ولاعه ومفتاح للعجل ومفك صليبة وعادة وكتالوج الكاسيت وضمان البطارية وقبل ما تتحرك بالعربية تكشف عليها كويس جدا وتخلي بالك انها ميكونش فيها اي خدوش وتبص علي العداد الديجيتال بتاع الكيلوات انه ميكونش معدي 50 كيلو وتجرب انوار العربية بالكامل والتكييف والكاسيت والاشارات وكشافات الاستوب واي خدمة وتقبل تحياتي ومستني منك ان شاء الله صور للعربية ديه للحاجات اللي زادات فيها زي الاسبويلر والعتب والشبكة الامامية والعربية من الداخل
|
رد: استفسار
الصيانة بتكون 1000 ل 5000 ل 10000 ل 15000 ل 20000 وهكذا
ممكن تخيلها 1000 ل 10000 ل 20000 ل 30000 وهكذا يعني انتا براحتك ونصيحة خليها 5000 في الصيف وفي الشتا خليك في 10000 بالنسبة ل 1000 الاولي بيدفعوك بس تمن تغير الزيت والفلتر واي حاجة تاني بتكون مجانا خلي بالك من النقطة ديه كويس |
| الساعة الآن 02:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017